យោងតាមការចុះផ្សាយពីប្រភពបរទេស កន្លែងធ្វើការមិនមែនមានតែមនុស្សស្មោះត្រង់នោះទេ ជួនកាលអ្នកអាចនឹងជួបមនុស្សដែលបំផ្លាញកេរ្តិ៍ឈ្មោះ និងឱកាសរបស់អ្នកដោយមិនដឹងខ្លួន។
មនុស្សប្រភេទដំបូងគឺ “អ្នកចែកចាយពាក្យចចាមអារ៉ាម” ដែលធ្វើពុតជាជិតស្និទ្ធដើម្បីលួចយកព័ត៌មានទៅគ្រប់គ្រងអ្នកដទៃ ដែលអ្នកគួរដោះស្រាយដោយការ “និយាយតិច ស្តាប់ច្រើន”។ បន្ទាប់មកគឺ “អ្នកត្អូញត្អែរអវិជ្ជមាន” ដែលចាំតែបន្ទោសគេឯង និង “អ្នកចាក់ពីក្រោយខ្នង” ដែលពូកែអែបអបចៅហ្វាយតែចូលចិត្តបំផ្លាញរូបភាពមិត្តរួមការងារ ដែលវិធីការពារខ្លួនដ៏ល្អបំផុតគឺការរក្សាភស្តុតាងការងារឱ្យបានច្បាស់លាស់។
ក្រៅពីនេះ នៅមាន “អ្នកចូលចិត្តបែងចែកបក្ខពួក” ដែលបង្កឱ្យមានការសង្ស័យក្នុងក្រុម និង “មនុស្សមុខពីរ” ដែលសរសើរអ្នកនៅចំពោះមុខ តែបង្ខូចឈ្មោះអ្នកពីក្រោយខ្នង។
ដើម្បីដោះស្រាយជាមួយមនុស្សទាំងនេះ អ្នកគួរប្រកាន់ខ្ជាប់នូវគោលការណ៍ “ឯករាជ្យភាព” មិនចូលបក្សសម្ព័ន្ធផ្តេសផ្តាស និងប្រើប្រាស់សុជីវធម៌ជាខែលការពារខ្លួន។ ចូរចងចាំថា ការដឹងខ្លួនថាអ្នកណាជាមនុស្សស្មោះត្រង់ និងអ្នកណាធ្វើពុត គឺជាអាវុធដ៏មានឥទ្ធិពលបំផុតក្នុងការការពារសន្តិភាពផ្លូវចិត្ត និងរក្សាអាជីពការងាររបស់អ្នកឱ្យរីកចម្រើនដោយរលូន៕
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕