យោងតាមការចុះផ្សាយពីប្រភពបរទេស ការញ៉ាំផ្លែឈើផ្អែមខ្លាំងពេកដូចជា ស្វាយទុំ ខ្នុរ មៀន និងទុរេន ក្នុងបរិមាណច្រើនពេក ធ្វើឱ្យថ្លើមទទួលបន្ទុកធ្ងន់ក្នុងការបំប្លែងជាតិស្ករ Fructose។
ប្រសិនបើថ្លើមប្រើប្រាស់ជាតិស្ករទាំងនោះមិនអស់ វានឹងបំប្លែងទៅជាខ្លាញ់កកកុញក្នុងថ្លើម ដែលបង្កឱ្យមានជំងឺខ្លាញ់រុំថ្លើម និងការរលាកថ្លើមខុសប្រក្រតី។ ការញ៉ាំផ្លែឈើផ្អែមត្រឹមតែ ៣០០ ក្រាម គឺប្រៀបដូចជាការញ៉ាំស្ករសរហូតដល់ ៥ ស្លាបព្រាកាហ្វេ ដែលជាហានិភ័យខ្ពស់ ជាពិសេសការញ៉ាំនៅពេលយប់ ឬក្រោយពេលបាយឆ្អែត។
ដើម្បីរក្សាសុខភាពថ្លើមឱ្យមាំមួន អ្នកជំនាញណែនាំឱ្យកម្រិតការញ៉ាំផ្លែឈើផ្អែមត្រឹមតែ ១ចំណិតក្នុងមួយថ្ងៃ ហើយគួរញ៉ាំនៅពេលព្រឹក ឬរសៀលវិញ។ ទន្ទឹមនឹងនេះ គួរផ្លាស់ប្តូរមកទទួលទានផ្លែឈើដែលមានជាតិស្ករទាបដូចជា ត្របែក ប៉ោម ក្រូចថ្លុង ឬស្រកានាគ និងត្រូវហាត់ប្រាណឱ្យបានទៀងទាត់ ដើម្បីជួយសម្រួលដល់ការងាររបស់ថ្លើម និងបង្ការជំងឺរ៉ាំរ៉ៃផ្សេងៗ៕