យោងតាមការចុះផ្សាយពីប្រភពបរទេស ការរុំវ៉ាលិសជិតៗដោយប្លាស្ទិកដែលយើងស្មានថាមានសុវត្ថិភាព តាមពិតគឺជាការ “ជួយប្រាប់ចោរថាមានរបស់មានតម្លៃខាងក្នុង” ទៅវិញទេ។
អ្នកជំនាញសន្តិសុខណែនាំថា ការប្រើវ៉ាលិសសំបករឹង រាងសាមញ្ញគ្មានម៉ាកលេចធ្លោ គឺជាជម្រើសឆ្លាតវៃជាង។ ដើម្បីការពារកាន់តែប្រសើរ អ្នកគួរប្រើខ្សែក្រវាត់វ៉ាលិស ឬខ្សែចំណងប្លាស្ទិក សម្រាប់សម្គាល់ការលួចបើក និងជៀសវាងការបិទស្លាក “របស់ផុយស្រួយ” ដែលនាំឱ្យចោរចាប់អារម្មណ៍។
ក្រៅពីនេះ ការប្រើឧបករណ៍តាមដាន ឬ GPS លាក់ក្នុងស្រទាប់វ៉ាលិស ឬការលាក់លុយកាក់ក្នុងវត្ថុដែលនឹកស្មានមិនដល់ (ដូចជាដបឡេទទេ) គឺជាវិធីសាស្ត្រសម្ងាត់ដ៏មានប្រសិទ្ធភាព។ ចងចាំថា របស់មានតម្លៃបំផុតដូចជា គ្រឿងអលង្ការ និងឯកសារសំខាន់ៗ ត្រូវដាក់ក្នុងកាបូបយួរដៃជាប់នឹងខ្លួនជានិច្ច ដើម្បីធានាថាដំណើរកម្សាន្តរបស់អ្នកមានក្តីសុខ និងគ្មានកង្វល់៕