យោងតាមការចុះផ្សាយពីប្រភពបរទេស ការលាបឡេការពារកម្តៅថ្ងៃតិចតួចពេក មិនអាចការពារស្បែកអ្នកពីកាំរស្មីយូវីបានពេញលេញឡើយ ដែលជាហេតុធ្វើឱ្យស្បែកនៅតែខូចទោះបីជាខំលាបរាល់ថ្ងៃក៏ដោយ។
តាមការបញ្ជាក់របស់លោកវេជ្ជបណ្ឌិតជំនាញ បរិមាណដែលត្រឹមត្រូវបំផុតសម្រាប់ផ្ទៃមុខ គឺត្រូវច្របាច់ឡេឱ្យពេញប្រវែង ២ ម្រាមដៃ (ម្រាមចង្អុល និងម្រាមកណ្តាល) ហើយត្រូវបន្ថែម ១ ម្រាមដៃទៀតសម្រាប់តំបន់ក ដើម្បីធានាការការពារបានសព្វផ្ទៃស្បែក។
ដើម្បីឱ្យឡេជ្រាបចូលស្បែកបានល្អ និងមានប្រសិទ្ធភាពខ្ពស់អ្នកមិនគួរញីឡេលើបាតដៃមុនលាបនោះទេ ប៉ុន្តែត្រូវដាក់ឡេលើម្រាមដៃ រួចដក់ចុចៗឱ្យសព្វផ្ទាល់លើផ្ទៃមុខ ហើយសឹមម៉ាស្សាថ្នមៗ។ ទោះបីជាអ្នកនៅក្នុងផ្ទះ ប៉ុន្តែស្ថិតក្បែរពន្លឺថ្ងៃ ឬត្រូវចេញក្រៅពេញមួយថ្ងៃ ក៏ត្រូវតែលាបជាប្រចាំ និងលាបបន្ថែមឡើងវិញរៀងរាល់ ២-៣ ម៉ោងម្តង ដើម្បីរក្សាការពារស្បែកពីការចាស់មុនអាយុ និងបញ្ហាជាំខ្មៅផ្សេងៗដែលបណ្ដាលមកពីកម្ដៅថ្ងៃ៕