យោងតាមការចុះផ្សាយពីប្រភពបរទេស ឈប់ហាន់ស្ពៃក្តោបតាមរបៀបបញ្ឈរពីឆ្វេងទៅស្តាំទៀតទៅ ប៉ុន្តែអ្នកគួរងាកមកប្រើវិធីសាស្ត្រ “ហាន់ផ្តេក” ដើម្បីបែងចែកជាផ្នែកខាងលើ និងផ្នែកខាងក្រោមវិញ។
ផ្នែកខាងលើដែលជាសន្លឹកទន់គ្មានស្នូលរឹង គឺស័ក្តិសមបំផុតសម្រាប់ហាន់ជាសរសៃៗធ្វើសាលាដ ឬញ៉ាំជាបន្លែអមដែលផ្តល់រសជាតិស្រួយស្រស់ ចំណែកផ្នែកខាងក្រោមដែលមានសាច់រឹង និងស្នូល គឺល្អបំផុតសម្រាប់យកទៅឆា ឬដាក់ក្នុងឆ្នាំងស៊ុប ព្រោះវាធន់នឹងកម្តៅ និងផ្ដល់វាយនភាពក្រុបៗឆ្ងាញ់ប្លែកមាត់។
ដើម្បីរក្សាស្ពៃក្តោបដែលហាន់រួចឱ្យនៅស្រស់ស្រួយរហូតដល់ ៥ ថ្ងៃ និងមិនប្តូរពណ៌ អ្នកគ្រាន់តែយកវាទៅត្រាំក្នុងទឹកក្តៅឧណ្ហៗសីតុណ្ហភាព ៥០ អង្សាសេមួយសន្ទុះ រួចស្រង់ចេញទុកឱ្យស្រក់ទឹកឱ្យអស់ រួចច្របាច់ខ្យល់ចេញពីថង់ប្លាស្ទិកឱ្យជិតមុននឹងដាក់ក្នុងទូរទឹកកក។ វិធីសាស្ត្រសាមញ្ញនេះមិនត្រឹមតែជួយឱ្យបន្លែមិនក្រៀមស្វិតប៉ុណ្ណោះទេ ប៉ុន្តែថែមទាំងជួយសន្សំសំចៃពេលវេលារៀបចំអាហារ និងជួយឱ្យអ្នកទទួលបានតម្លៃសមនឹងទឹកប្រាក់ដែលបានចំណាយលើបន្លែគ្រប់សន្លឹកផងដែរ៕