យោងតាមការចុះផ្សាយពីប្រភពបរទេស ខ្ទឹមសគឺជាគ្រឿងទេសមិនអាចខ្វះបានក្នុងផ្ទះបាយ ប៉ុន្តែការប្រើប្រាស់មិនត្រឹមត្រូវអាចធ្វើឱ្យវាបាត់បង់ក្លិនឈ្ងុយ ឬប្រែក្លាយទៅជាមានរសជាតិល្វីងទៅវិញ។ ខាងក្រោមនេះជាកំហុសទូទៅដែលអ្នកគួរចៀសវាង៖
កំហុសដំបូងគឺ ការទុកខ្ទឹមសក្នុងទូទឹកកក ដែលធ្វើឱ្យវាឆាប់ដុះពន្លក និងបាត់បង់សំណើម។ អ្នកគួរទុកវានៅសីតុណ្ហភាពបន្ទប់ កន្លែងដែលមានខ្យល់ចេញចូលល្អ។ ចំពោះ ខ្ទឹមសដែលដុះពន្លកពណ៌បៃតង វាមិនមានជាតិពុលទេ ប៉ុន្តែវាមានរសជាតិហឹរ និងល្វីងជាងមុន ដូច្នេះអ្នកគួរចិតពន្លកនោះចេញមុននឹងយកទៅចម្អិន។ ដោយឡែក ការយល់ច្រឡំថា ខ្ទឹមសប្រែពណ៌ខៀវពេលត្រាំទឹកខ្មេះ ជាជាតិពុល ក៏ជារឿងមិនត្រឹមត្រូវដែរ ព្រោះវាគ្រាន់តែជាប្រតិកម្មគីមីធម្មជាតិ និងអាចញ៉ាំបានធម្មតា។
ក្នុងការចម្អិនអាហារ ការ ចិញ្ច្រាំខ្ទឹមសត្រាំសាច់សម្រាប់អាំង គឺជាកំហុសមួយ ព្រោះខ្ទឹមសល្អិតៗនឹងខ្លោចមុនសាច់ឆ្អិន បង្កឱ្យមានរសជាតិល្វីង។ អ្នកគួរប្រើទឹកខ្ទឹមស ឬខ្ទឹមសដំឱ្យបែកជំនួសវិញ។ លើសពីនេះ ការ ដាក់ខ្ទឹមសចូលខ្ទះលីងលឿនពេក ឬ ប្រើភ្លើងខ្លាំងពេក ក៏ធ្វើឱ្យខ្ទឹមខ្លោចខ្មៅ និងបាត់បង់ក្លិនឈ្ងុយដែរ។ វិធីដែលត្រឹមត្រូវ គឺត្រូវដាក់ខ្ទឹមសចូលក្រោយគេ នៅពេលដែលបន្លែ ឬសាច់ជិតឆ្អិន ហើយប្រើភ្លើងល្មមដើម្បីឱ្យវាឡើងពណ៌មាសស្រស់ និងមានរសជាតិផ្អែមឈ្ងុយ៕