យោងតាមការចុះផ្សាយពីប្រភពបរទេស ការកាត់បន្ថយជាតិស្ករមិនមែនមានន័យថាអ្នកត្រូវបោះបង់រសជាតិផ្អែមចោលទាំងស្រុងនោះទេ ប៉ុន្តែវាគឺជាការជ្រើសរើសផ្លែឈើដែលផ្ដល់ថាមពលដោយមិនធ្វើឱ្យកម្រិតជាតិស្ករក្នុងឈាមឡើងខ្ពស់គំហុក។
សម្រាប់អ្នកដែលចង់ថែរក្សារាង ឬអ្នកមានជំងឺទឹកនោមផ្អែម ផ្លែឈើដែលមានជាតិស្ករទាបបំផុតរួមមាន ក្រូច និងក្រូចឆ្មារ ដែលសម្បូរវីតាមីន C និងមានជាតិស្ករត្រឹម ១ ទៅ ២ ក្រាមប៉ុណ្ណោះ។ ជាមួយគ្នានេះ ផ្លែបឺរ ក៏ជាជម្រើសដ៏អស្ចារ្យដែលមានជាតិស្ករទាបបំផុតត្រឹម ១ ក្រាម និងសម្បូរខ្លាញ់ល្អជួយឱ្យអ្នកមានអារម្មណ៍ឆ្អែតបានយូរ។
ចំពោះក្រុមផ្លែប៊ឺរី ដូចជា ផ្លែរ៉ាសប៊ឺរី ស្ត្រប៊ឺរី និងប៊្លូប៊ឺរី សុទ្ធតែមានជាតិស្ករទាបចន្លោះពី ៥ ទៅ ៧ ក្រាមក្នុងមួយពែង ដែលសម្បូរទៅដោយជាតិសរសៃ និងសារធាតុប្រឆាំងអុកស៊ីតកម្មការពារកោសិកាមិនឱ្យចុះខ្សោយ។ ចំណែកឯ ផ្លែគីវី ក្រូចថ្លុង និងផ្លែក្រូចធម្មតា ក៏ជាប្រភពវីតាមីនដ៏ប្រសើរដែលមិនផ្ដល់ជាតិស្ករច្រើនពេកដល់រាងកាយឡើយ។ សូម្បីតែផ្លែឈើដែលមានជាតិទឹកច្រើនដូចជា ឪឡឹក និងផ្លែតាសក់ផ្អែម ក៏មានជាតិស្ករទាបជាងភេសជ្ជៈកំប៉ុងឆ្ងាយណាស់ ដែលជួយឱ្យអ្នកមានអារម្មណ៍ស្រស់ស្រាយ និងជួយដល់ការរំលាយអាហារបានយ៉ាងល្អ។
ការជ្រើសរើសផ្លែឈើទាំងនេះមកទទួលទានជំនួសនំចំណីផ្អែមៗ មិនត្រឹមតែជួយឱ្យអ្នកគ្រប់គ្រងកម្រិតជាតិស្ករបានល្អប៉ុណ្ណោះទេ ប៉ុន្តែថែមទាំងជួយសម្រកទម្ងន់ និងផ្ដល់សារធាតុចិញ្ចឹមសំខាន់ៗដល់រាងកាយប្រកបដោយចីរភាព៕