យោងតាមការផ្សាយពីប្រភពបរទេស ផ្នែកស៊ុតសគឺជាកំពូលប្រភពប្រូតេអ៊ីនដែលគ្មានជាតិខ្លាញ់ និងគ្មានកូឡេស្តេរ៉ុល ប៉ុន្តែបើនិយាយពីការ “បង្កើនសមត្ថភាពផ្លូវភេទ” វាមិនមែនជាឱសថទិព្វដូចដែលមនុស្សជាច្រើនធ្លាប់គិតនោះទេ។ ការញ៉ាំផ្នែកស៊ុតសតែម្យ៉ាងមិនអាចជួយឱ្យអ្នកខ្លាំងលើគ្រែភ្លាមៗបានទេ ព្រោះសុខភាពផ្លូវភេទបុរសត្រូវការការរួមផ្សំគ្នាពីរបបអាហារចម្រុះ និងទម្លាប់រស់នៅល្អជារួម។
ដើម្បីពង្រឹងសមត្ថភាពឱ្យកាន់តែមាំមួន បុរសៗគួរផ្ដោតលើអាហារដែលសម្បូរសារធាតុរ៉ែជាក់លាក់ដូចជា គ្រឿងសមុទ្រ (ពិសេសអយស្ទ័រ) ត្រីសាម៉ុង បន្លែបៃតង សណ្ដែកបណ្ដុះ និងផ្លែឪឡឹក។ ទន្ទឹមនឹងការញ៉ាំ អ្នកត្រូវតែចៀសវាងបារី គ្រឿងស្រវឹង និងត្រូវគេងឱ្យបានគ្រប់គ្រាន់ ៧-៨ ម៉ោងក្នុងមួយថ្ងៃ។ ការហាត់ប្រាណឱ្យបានទៀងទាត់ ៤ ដងក្នុងមួយសប្តាហ៍ និងការគ្រប់គ្រងជំងឺប្រចាំកាយ (ដូចជាទឹកនោមផ្អែម ឬលើសឈាម) គឺជាគន្លឹះដ៏សំខាន់បំផុត។
ជាចុងក្រោយ កុំភ្លេចបើកចិត្តជជែកជាមួយដៃគូដោយត្រង់ទៅត្រង់មក ព្រោះសុភមង្គលផ្លូវភេទកើតចេញពីការយល់ចិត្តគ្នា និងសុខភាពរាងកាយដែលរឹងមាំពីខាងក្នុង៕