យោងតាមការចុះផ្សាយពីប្រភពបរទេស ពោតបារាំង មិនត្រឹមតែជាបន្លែធម្មតានោះទេ ប៉ុន្តែវាគឺជា “កំពូលអាហារ” ដែលសម្បូរទៅដោយជាតិហ្វូឡាត វីតាមីន និងសារធាតុរ៉ែចាំបាច់បំផុតសម្រាប់ស្ត្រីមានផ្ទៃពោះ។ ការទទួលទានបន្លែនេះជាប្រចាំ ផ្ដល់អត្ថប្រយោជន៍តាំងពីក្នុងផ្ទៃរហូតដល់ក្រោយសម្រាល។
ជាតិហ្វូឡាតក្នុងពោតបារាំង ជួយការពារទារកពីពិការភាពពីកំណើត និងគាំទ្រដល់ការលូតលាស់កោសិកា ខណៈដែលជាតិសរសៃជួយគ្រប់គ្រងជាតិស្ករក្នុងឈាម ដើម្បីកាត់បន្ថយហានិភ័យនៃជំងឺទឹកនោមផ្អែមពេលមានផ្ទៃពោះ។
លើសពីនេះ ពោតបារាំងគឺជាឱសថធម្មជាតិដ៏ពូកែក្នុងការជួយដល់ប្រព័ន្ធរំលាយអាហារ។ ការញ៉ាំពោតបារាំងស្ងោរជួយកាត់បន្ថយការច្រាលអាស៊ីតក្រពះ បំបាត់អាការៈហើមពោះ និងជួយឱ្យស្រួលបន្ទោបង់។ សម្រាប់សម្រស់វិញ ទឹករំអិល និងសារធាតុប្រឆាំងអុកស៊ីតកម្មក្នុងបន្លែនេះ ជួយរក្សាសំណើមស្បែកអ្នកម៉ាក់ឱ្យទន់រលោង មិនស្រអាប់ និងការពារការប្រែប្រួលស្បែកដោយសារអ័រម៉ូន។
សូម្បីតែក្រោយសម្រាល ក៏ពោតបារាំងនៅតែបន្តជួយព្យាបាលរបួសខាងក្នុង ការពារស្លាកស្នាម និងសម្បូរដោយជាតិកាល់ស្យូមដែលជួយពង្រឹងឆ្អឹង ព្រមទាំងជំរុញការផលិតទឹកដោះឱ្យសម្បូរសម្រាប់បុត្រធីតាថែមទៀតផង៕