យោងតាមការចុះផ្សាយពីប្រភពបរទេស ការញ៉ាំគ្រឿងស្រវឹងក្នុងកម្រិតតិចតួច ដូចជាស្រាក្រហមតិចជាង ១៥០ មិល្លីលីត្រ ឬ១ពែងក្នុងមួយថ្ងៃ ពិតជាអាចជួយបង្កើនចំណង់ផ្លូវភេទ និងភាពជឿជាក់បានមែន។ ជាតិអាល់កុលមានសារធាតុរំញោចសរសៃប្រសាទ និងដូប៉ាមីនដែលជួយឱ្យរាងកាយមានអារម្មណ៍ធូរស្រាល និងឈាមរត់បានល្អដល់សរសៃឈាមបេះដូង ដែលនាំឱ្យបុរសមានអារម្មណ៍ពុះកញ្ជ្រោល និងចង់រួមភេទខ្លាំងជាងមុន។
ទោះជាយ៉ាងណា ការប្រើប្រាស់គ្រឿងស្រវឹងហួសកម្រិតគឺជា «ថ្នាំពុល» សម្រាប់សមត្ថភាពបុរសទៅវិញ។ ក្នុងរយៈពេលវែង ជាតិអាល់កុលនឹងទៅរារាំងប្រព័ន្ធសរសៃប្រសាទកណ្ដាល និងធ្វើឱ្យខូចខាតសរសៃឈាមនៅតំបន់ប្រដាប់បន្តពូជ ដែលនាំឱ្យឈាមរត់ទៅមិនគ្រប់គ្រាន់ បង្កជាបញ្ហា «ងាប់លិង្គ» ឬអសមត្ថភាពផ្លូវភេទ។ លើសពីនេះ ការញ៉ាំស្រាច្រើនពេកធ្វើឱ្យបាត់បង់អ័រម៉ូនតេស្តូស្តេរ៉ូនដែលជាអ័រម៉ូនបុរស សម្លាប់ចំណង់ផ្លូវភេទ បង្កបញ្ហាម៉ាស៊ីនចងចាំ និងនាំឱ្យមានឥរិយាបថរួមភេទមិនមានសុវត្ថិភាពដោយសារការបាត់បង់ម្ចាស់ការលើខ្លួនឯង។
ដើម្បីរក្សាសុខភាពផ្លូវភេទឱ្យនៅមាំមួន និងប្រើការបានយូរអង្វែង បុរសៗគួរផ្ដោតលើការធ្វើលំហាត់ប្រាណឱ្យបានទៀងទាត់ ញ៉ាំបន្លែផ្លែឈើឱ្យបានច្រើន ផឹកទឹកឱ្យបាន ២ លីត្រក្នុងមួយថ្ងៃ និងកម្រិតការប្រើប្រាស់គ្រឿងស្រវឹង និងបារីឱ្យបានហ្មត់ចត់បំផុត។
ការរក្សាជីវិតផ្លូវភេទមួយដែលប្រកបដោយតុល្យភាព និងស័ក្តិសមនឹងសុខភាពរាងកាយ គឺជាគន្លឹះនៃសុភមង្គលពិតប្រាកដ៕