យោងតាមការផ្សាយរបស់សារព័ត៌មានបរទេស ការញ៉ាំសាច់អាំង ជាពិសេសសាច់ក្រហមដែលអាំងក្នុងកម្ដៅខ្ពស់ ពិតជាអាចបង្កហានិភ័យនៃជំងឺមហារីកមែន ដោយសារវាបង្កើតសារធាតុគីមីម្យ៉ាងដែលធ្វើឱ្យប្រែប្រួល DNA ក្នុងកោសិកា។
យោងតាមអង្គការសុខភាពពិភពលោក សាច់កែច្នៃដូចជា សាច់ក្រក និងសាច់ហ្សាំបុង ត្រូវបានចាត់ទុកថាជាប្រភពបង្កមហារីក ខណៈសាច់ក្រហមធម្មតាត្រូវបានគេចាត់ថ្នាក់ថាមានហានិភ័យខ្ពស់ផងដែរ។
ទោះជាយ៉ាងណា លោកអ្នកនៅតែអាចរីករាយជាមួយសាច់អាំងបាន ដោយគ្រាន់តែអនុវត្តតាមតិកនិកងាយៗដើម្បីកាត់បន្ថយសារធាតុបង្កមហារីកបានរហូតដល់ ៩០%៖
អាថ៌កំបាំងសំខាន់បំផុតគឺ ការប្រឡាក់សាច់ឱ្យបានសព្វល្អ មុនពេលអាំង ព្រោះទឹកជ្រលក់ដែលស្រោបពីក្រៅនឹងជួយទប់ស្កាត់ប្រតិកម្មគីមីមិនឱ្យកើតឡើងលើស្រទាប់សាច់។ ក្រៅពីនេះ អ្នកគួរចម្អិនសាច់ឱ្យឆ្អិនល្មមជាមុនសិនដើម្បីកាត់បន្ថយរយៈពេលអាំង កាត់បន្ថយការឱ្យសាច់ប៉ះនឹងអណ្ដាតភ្លើងផ្ទាល់ និងគួរប្រើក្រដាសអាលុយមីញ៉ូមទ្រាប់ពីក្រោម។ ជាពិសេស ត្រូវឧស្សាហ៍ប្រែសាច់ឱ្យបានញឹកញាប់ ដើម្បីចៀសវាងការឆេះខ្លោច ដែលជាប្រភពគ្រោះថ្នាក់បំផុតចំពោះសុខភាព។
ការផ្លាស់ប្តូរទម្លាប់អាំងសាច់បន្តិចបន្តួចនេះ នឹងជួយឱ្យអ្នកអាចញ៉ាំរបស់ឆ្ងាញ់ផង និងរក្សាសុខភាពបានល្អផង៕