យោងតាមការផ្សាយរបស់សារព័ត៌មានបរទេស ការរួមភេទមិនត្រឹមតែជាការបំពេញចំណង់ប៉ុណ្ណោះទេ ប៉ុន្តែវាគឺជា «ឱសថធម្មជាតិ» ដ៏វិសេសសម្រាប់រាងកាយទាំងមូល។
ជាដំបូង វាដើរតួជាការហាត់ប្រាណដ៏មានប្រសិទ្ធភាព ដែលជួយដុតបំផ្លាញកាឡូរី និងសម្រកទម្ងន់តាមរយៈចលនារាងកាយ។ លើសពីនេះ បន្ទាប់ពីបញ្ចប់សកម្មភាព រាងកាយនឹងបញ្ចេញអរម៉ូនជួយឱ្យអ្នក គេងលក់បានស្កប់ស្កល់ បំផុត ដែលជាដំណោះស្រាយធម្មជាតិសម្រាប់អ្នកមានបញ្ហាសម្រាន្តមិនលក់។
ក្រៅពីជួយឱ្យសម្រាកបានល្អ វាក៏មានសមត្ថភាព កាត់បន្ថយអាការៈឈឺក្បាល តាមរយៈការបញ្ចេញអ័រម៉ូនអង់ដូហ្វីនដែលជួយសម្រួលចរន្តឈាម និងកាត់បន្ថយភាពតានតឹង។ អ្វីដែលពិសេសបំផុតសម្រាប់សុភាពនារីគឺ ការរួមភេទទៀងទាត់ជួយឱ្យ មើលទៅក្មេងជាងវ័យ ដោយសារវាជួយកាត់បន្ថយស្នាមជ្រួញ និងធ្វើឱ្យស្បែកមានភាពស្រស់ថ្លា បែបធម្មជាតិដោយមិនចាំបាច់វះកាត់កែសម្ផស្ស។
ជាចុងក្រោយ សកម្មភាពនេះត្រូវបានគេចាត់ទុកថាជាជំនួយការ ពន្យារអាយុជីវិត ឱ្យកាន់តែវែងអង្វែង។ ការបញ្ចេញជាតិពុលតាមញើស និងការកាត់បន្ថយស្ត្រេស ផ្ដល់ផលវិជ្ជមានយ៉ាងខ្លាំងដល់សុខភាពបេះដូង និងប្រព័ន្ធការពាររាងកាយ។ ការរក្សាភាពស្និទ្ធស្នាលឱ្យបានញឹកញាប់ មិនត្រឹមតែធ្វើឱ្យអ្នកមានសុខភាពល្អ និងមើលទៅក្មេងជាងវ័យប៉ុណ្ណោះទេ ប៉ុន្តែវាក៏ជួយពង្រឹងចំណងមិត្តភាពរវាងគូស្នេហ៍ឱ្យកាន់តែស្អិតល្មួត និងពោរពេញដោយសុភមង្គល៕