យោងតាមការផ្សាយរបស់សារព័ត៌មានបរទេស ជនជាតិជប៉ុនដែលជា ចុងភៅលំដាប់ផ្កាយមួយរូបបានធ្វើឱ្យពិភពលោកភ្ញាក់ផ្អើលដោយការសម្រកទម្ងន់បាន ១១ គីឡូក្រាមយ៉ាងរហ័ស តាមរយៈតិចនិកសាមញ្ញបំផុតគឺ៖ ញ៉ាំតាសក់ឆៅ ១ ទៅ ២ ផ្លែមុនបាយ និង ទំពារឱ្យបាន ២០ ដងក្នុងមួយម៉ាត់។ វិធីសាស្ត្រនេះមិនត្រឹមតែជួយឱ្យរាងស្លីមទេ ប៉ុន្តែថែមទាំងជួយព្យាបាលបញ្ហាខ្លាញ់រុំថ្លើម និងបញ្ចុះជាតិខ្លាញ់ក្នុងឈាមយ៉ាងពូកែទៀតផង។
អាថ៌កំបាំងដែលធ្វើឱ្យតាសក់ក្លាយជា “អ្នកសម្អាតជាតិខ្លាញ់” គឺដោយសារវាមានផ្ទុកអង់ស៊ីមពិសេសដែលជួយជំរុញការដុតបំផ្លាញជាតិខ្លាញ់បានយ៉ាងលឿន។ តាសក់មានកាឡូរីទាបបំផុត ប៉ុន្តែសម្បូរទៅដោយប៉ូតាស្យូម ដែលជួយបញ្ចេញជាតិទឹកដែលលើសពីរាងកាយ កាត់បន្ថយការហើមពោះ និងសម្រួលសម្ពាធឈាម។ លើសពីនេះ ជាតិសរសៃក្នុងតាសក់ជួយទប់ស្កាត់ការឡើងជាតិស្ករក្នុងឈាមភ្លាមៗក្រោយញ៉ាំអាហារ និងជួយឱ្យប្រព័ន្ធរំលាយអាហារដំណើរការបានយ៉ាងរលូន។
អ្វីដែលពិសេសបំផុតនោះគឺ លោកអ្នកមិនចាំបាច់បង្អត់អាហារតឹងរ៉ឹងឡើយ។ អ្នកនៅតែអាចញ៉ាំអាហារប្រចាំថ្ងៃបានធម្មតា គ្រាន់តែត្រូវមានវិន័យក្នុងការញ៉ាំតាសក់ឆៅមុនពេលញ៉ាំបាយ (ព្រោះកម្ដៅអាចធ្វើឱ្យអង់ស៊ីមដុតខ្លាញ់បាត់បង់គុណភាព)។ ក្រៅពីបានរាងស្អាត វីតាមីន C ក្នុងតាសក់នឹងជួយឱ្យស្បែករបស់អ្នកនៅតែមានសំណើម និងស្រស់ថ្លា មិនស្ងួតស្រពោនឡើយ ទោះបីជាទម្ងន់ស្រកចុះយ៉ាងលឿនក៏ដោយ៕