យោងតាមការផ្សាយរបស់សារព័ត៌មានបរទេស ទោះបីជាការផ្ដល់អំណោយជាកាយវិការដ៏ផ្អែមល្ហែម ប៉ុន្តែតាមជំនឿអបិយជំនឿខ្លះៗ មានរបស់របរមួយចំនួនត្រូវបានគេចាត់ទុកថាជា “បណ្ដាសាស្នេហា” ដែលអាចនាំឱ្យគូស្នេហ៍ជួបការប្រេះស្រាំ ឬការឃ្លាតឆ្ងាយពីគ្នា។
ក្រុមវត្ថុតំណាងឱ្យការបញ្ចប់ និងការឃ្លាតឆ្ងាយ
- នាឡិកា៖ គេជឿថាបើនាឡិកាឈប់ដើរ ទំនាក់ទំនងស្នេហាក៏ត្រូវបញ្ចប់ទៅតាមនោះដែរ។
- ស្បែកជើង៖ មានជំនឿថាបើទិញឱ្យគ្នា ដៃគូម្ខាងទៀតនឹងដើរចេញពីជីវិតអ្នក ឬនាំឱ្យបែកគ្នា។
- ស្និតសក់៖ ធ្មេញសិតសក់តំណាងឱ្យការ “ឃ្លាតគ្នា” ដែលធ្វើឱ្យស្នេហាមិនអាចនៅក្បែរគ្នាបានយូរ។
- ទឹកអប់៖ ក្លិនក្រអូបអាចរសាយបាត់ទៅតាមខ្យល់ ដូចជាស្នេហាដែលអាចប្រែជាត្រជាក់ និងសាបរលាបទៅតាមពេលវេលា។
ក្រុមវត្ថុតំណាងឱ្យភាពឈឺចាប់ និងការបង្ហូរទឹកភ្នែក
- កន្សែងដៃ៖ ជាវត្ថុសម្រាប់ជូតទឹកភ្នែក ដូច្នេះការផ្ដល់កន្សែងដៃប្រៀបដូចជាការផ្ដល់នូវរឿងដែលនាំឱ្យយំសោក។
- រូបថតតែម្នាក់ឯង៖ គេជឿថាវាដូចជាការផ្ដល់វត្ថុអនុស្សាវរីយ៍ទុកមើលពេលបែកគ្នា ឬពេលនៅឆ្ងាយពីគ្នាជារៀងរហូត។
- វត្ថុមុតស្រួច (ក្រវិល ឬអាវុធ)៖ តំណាងឱ្យការចាក់ដោតបេះដូង ឬការឈ្លោះប្រកែកគ្នាដែលនាំឱ្យឈឺចាប់។
ក្រុមវត្ថុតំណាងឱ្យការប្រេះស្រាំ និងប្រផ្នូលអាក្រក់
- កញ្ចក់៖ ប្រសិនបើកញ្ចក់បែក ឬប្រេះ នោះទំនាក់ទំនងស្នេហាក៏នឹងត្រូវប្រេះឆា មិនអាចផ្សះផ្សាបានឡើយ។
- សម្លៀកបំពាក់ពណ៌ខ្មៅ៖ តាមជំនឿបុរាណ ពណ៌ខ្មៅតំណាងឱ្យទុក្ខសោក ឬពិធីបុណ្យសព ដែលមិនគួរយកមកផ្ដល់ឱ្យគ្នាក្នុងថ្ងៃសប្បាយរីករាយឡើយ។
ទោះជាយ៉ាងណា នេះគ្រាន់តែជាជំនឿផ្ទាល់ខ្លួនប៉ុណ្ណោះ។ អ្វីដែលសំខាន់បំផុតក្នុងជីវិតប្ដីប្រពន្ធ ឬគូស្នេហ៍ គឺការយោគយល់ អធ្យាស្រ័យ និងការផ្ដល់ក្ដីស្រឡាញ់ឱ្យគ្នាទៅវិញទៅមកដោយស្មោះចេញពីបេះដូង៕