​ស្លីមស្អាតបែបធម្មជាតិ! កំពូលផ្លែឈើទាំង ១០ ជួយដុតរំលាយខ្លាញ់ក្បាលពោះ​

យោងតាមការផ្សាយរបស់សារព័ត៌មានបរទេស ខ្លាញ់ក្បាលពោះមិនត្រឹមតែបំផ្លាញភាពជឿជាក់លើសម្រស់ប៉ុណ្ណោះទេ តែវាជាសញ្ញាព្រមាននៃបញ្ហាសុខភាព។

ដើម្បីកម្ចាត់វាដោយសុវត្ថិភាព ការបញ្ចូលផ្លែឈើដុតរំលាយខ្លាញ់ទៅក្នុងរបបអាហារគឺជាជម្រើសដ៏ឆ្លាតវៃបំផុត។ ផ្លែបឺរ ដែលសម្បូរខ្លាញ់ល្អជួយឱ្យឆ្អែតបានយូរ រួមជាមួយក្រូចថ្លុង និងក្រូចពោធិ៍សាត់ដែលជួយរុញច្រានប្រព័ន្ធមេតាប៉ូលីសឱ្យដុតបំផ្លាញថាមពលបានកាន់តែលឿន។

ក្រៅពីនេះ ក្រុមផ្លែបឺរី និងផ្លែប៉ោមដែលសម្បូរជាតិសរសៃខ្ពស់ គឺជាជំនួយការពិសេសក្នុងការគ្រប់គ្រងភាពឃ្លាន និងបញ្ចុះទម្ងន់។ ឪឡឹកដែលជួយបន្សាបជាតិពុល រួមជាមួយល្ហុង និងម្នាស់ដែលមានអង់ស៊ីមពិសេស​នឹងជួយសម្រួលការរំលាយអាហារ កាត់បន្ថយការហើមពោះ និងបង្ការការកកកុញនៃខ្លាញ់ថ្មីៗ។

ជាចុងក្រោយ គីវី ទទឹម និងក្រូច សម្បូរទៅដោយវីតាមីន C ដែលជួយពង្រឹងការដុតបំផ្លាញជាតិខ្លាញ់ និងកាត់បន្ថយសន្ទស្សន៍ BMI ឱ្យស្ថិតក្នុងកម្រិតសុខភាពល្អ។ ដើម្បីទទួលបានលទ្ធផលស្លីមស្អាតដូចបំណង លោកអ្នកគួរទទួលទានផ្លែឈើទាំងនេះក្នុងបរិមាណសមល្មមជារៀងរាល់ថ្ងៃ រួមផ្សំជាមួយនឹងការហាត់ប្រាណ និងការសម្រាកឱ្យបានគ្រប់គ្រាន់​៕