យោងតាមការផ្សាយរបស់សារព័ត៌មានបរទេស សុខភាពភ្នែកមិនមែនជារឿងដែលអាចមើលរំលងបានឡើយ ជាពិសេសក្នុងសម័យកាលដែលយើងប្រើប្រាស់អេក្រង់ច្រើន។
ដើម្បីការពារគំហើញឱ្យនៅភ្លឺច្បាស់ ស្លឹកកិនកូ និង លីលី គឺជាជំនួយការដ៏ពូកែក្នុងការសម្រួលរបត់ឈាមរត់ទៅកាន់រេទីន និងជួយបញ្ចុះសម្ពាធក្នុងភ្នែកសម្រាប់អ្នកជំងឺទឹកដក់ក្នុងភ្នែក។ បន្ថែមពីនេះ ក្រុមផ្លែឈើដូចជា ប៊្លូបឺរី និង ផ្លែមន ដែលសម្បូរទៅដោយសារធាតុប្រឆាំងអុកស៊ីតកម្ម នឹងជួយការពារកោសិកាភ្នែកពីការខូចខាត និងបង្កើនសមត្ថភាពមើលឃើញឱ្យកាន់តែច្បាស់ទោះក្នុងទីងងឹត។
សម្រាប់អ្នកដែលជួបបញ្ហាភ្នែកស្ងួត ឬស្រវាំងដោយសារពន្លឺពណ៌ខៀវពីទូរស័ព្ទ ដំណាប់ហ្គោជី គឺជាខែលការពារដ៏វិសេស ព្រោះវាជួយចម្រោះពន្លឺដែលបង្កគ្រោះថ្នាក់ និងរក្សាសំណើមភ្នែកជានិច្ច។ ចំណែកឯការទទួលទាន តែផ្កាឆាំមុំមូលី នឹងជួយកាត់បន្ថយភាពហត់នឿយ និងសម្រួលអាការៈស្រវាំងភ្នែកបន្ទាប់ពីធ្វើការងារពេញមួយថ្ងៃ។ លើសពីនេះ ការបន្ថែមជីវជាតិពី ផ្កាខាត់ណាខៀវ ក៏ជាវិធីសាស្ត្រដ៏វៃឆ្លាតដើម្បីពង្រឹងប្រូតេអ៊ីនការពារកញ្ចក់ភ្នែកឱ្យកាន់តែរឹងមាំ។
ដោយសារបញ្ហាភ្នែកច្រើនតែកើតឡើងដោយស្ងប់ស្ងាត់ ការបញ្ចូលរុក្ខឱសថ និងអាហារទាំងនេះទៅក្នុងរបបអាហារប្រចាំថ្ងៃ គឺជាការវិនិយោគដ៏ល្អបំផុតសម្រាប់គំហើញរបស់អ្នក។ ក្រៅពីការញ៉ាំឱ្យបានត្រឹមត្រូវ លោកអ្នកក៏គួរទៅពិនិត្យភ្នែកឱ្យបានទៀងទាត់ជាមួយគ្រូពេទ្យជំនាញ ដើម្បីធានាថាភ្នែករបស់អ្នកនៅតែមានសុខភាពល្អ និងភ្លឺច្បាស់បានយូរអង្វែង៕