យោងតាមការផ្សាយរបស់សារព័ត៌មានបរទេស ពោតបារាំង មិនមែនគ្រាន់តែជាបន្លែអន្លក់ធម្មតានោះទេ តែវាជាបន្លែដែលសម្បូរ សារធាតុរំអិល ជាពិសេស។
ជាតិរំអិលនេះដើរតួដូចជា “ជែល” ជួយស្រោបជញ្ជាំងពោះវៀន បន្ថយល្បឿននៃការស្រូបយកជាតិស្ករ និងការពារមិនឱ្យកម្រិតស្ករក្នុងឈាមហក់ឡើងខ្ពស់ភ្លាមៗក្រោយពេលញ៉ាំអាហារ។ វាជាជម្រើសដ៏វិសេសសម្រាប់អ្នកជំងឺទឹកនោមផ្អែម និងអ្នកដែលចង់គ្រប់គ្រងទម្ងន់ ព្រោះវាជួយឱ្យឆ្អែតបានយូរ។
ក្រៅពីកម្ចាត់ជាតិស្ករ ពោតបារាំង សម្បូរទៅដោយសារធាតុដែលជួយទប់ស្កាត់ការស្រូបយកខ្លាញ់អាក្រក់ និងការពារប្រព័ន្ធរំលាយអាហារពីបញ្ហាទល់លាមក។ វាក៏ជាឃ្លាំងវីតាមីន C, K និងកាល់ស្យូម ដែលជួយឱ្យប្រព័ន្ធការពាររាងកាយរឹងមាំ និងពង្រឹងសុខភាពឆ្អឹងឱ្យមាំមួនផងដែរ។
ទោះជាយ៉ាងណា អ្នកដែលកំពុងប្រើថ្នាំទឹកនោមផ្អែម គួរប្រុងប្រយ័ត្ន ព្រោះជាតិរំអិលរបស់ពោតបារាំងអាចរំខានដល់ការបឺតស្រូបថ្នាំ។ ចំណែកអ្នកមានបញ្ហាក្រួសក្នុងតម្រងនោម ក៏មិនគួរញ៉ាំច្រើនពេកដែរ។
សរុបមក ពោតបារាំងគឺជាបន្លែ “តូចតែខ្លឹម” តម្លៃថោក និងងាយរក ដែលជួយឱ្យអ្នកមានសុខភាពល្អតាមបែបធម្មជាតិ៕