យោងតាមការផ្សាយរបស់សារព័ត៌មានបរទេស ថ្លើមគឺជាសរីរាង្គដ៏សំខាន់សម្រាប់បន្សាបជាតិពុលក្នុងរាងកាយ ដូច្នេះការញ៉ាំបន្លែដែលសម្បូរដោយសារធាតុប្រឆាំងអុកស៊ីតកម្ម គឺជាការចាំបាច់បំផុត។
បន្លែដំបូងគេគឺ ស្ពៃខៀវ ដែលសម្បូរសារធាតុជួយការពារការកកកុញខ្លាញ់ក្នុងថ្លើម និងទប់ស្កាត់ការរីកលូតលាស់នៃកោសិកាមហារីកថ្លើម។ ចំណែកឯ ជីរត្រចៀកជ្រូក វិញ សម្បូរដោយសារធាតុប្រឆាំងអុកស៊ីតកម្មធម្មជាតិ ដែលជួយបន្សាបរ៉ាឌីកាល់សេរី និងជំរុញដំណើរការបញ្ចេញជាតិពុលពីថ្លើមយ៉ាងមានប្រសិទ្ធភាព។
បន្លែដ៏ពេញនិយមមួយទៀតគឺ ត្រកួនបារាំង ឬស្លឹកត្រចៀកក្រាញ់ ដែលជួយការពារថ្លើមពីការខូចខាតបង្កដោយជាតិពុល ជាពិសេសគឺជាតិអាល់កុល និងជួយជំរុញការផលិតទឹកប្រមាត់ឱ្យប្រសើរឡើង។ សម្រាប់ ផ្កាអាទីសូ វាមានផ្ទុកសារធាតុ ដែលជួយជួសជុលកោសិកាថ្លើមដែលខូចខាត និងជួយបញ្ចុះកម្រិតអង់ស៊ីមថ្លើមឱ្យមកធម្មតវិញ។
ចុងក្រោយគឺ ស្លឹកជីរនាងវង ដែលជួយកាត់បន្ថយការផ្ទុកខ្លាញ់ក្នុងថ្លើម និងជួយឱ្យប្រព័ន្ធរំលាយអាហារដំណើរការបានកាន់តែមានប្រសិទ្ធភាព។
ក្រៅពីការញ៉ាំបន្លែទាំងនេះ អ្នកជំនាញក៏បានណែនាំឱ្យធ្វើលំហាត់ប្រាណឱ្យបានទៀងទាត់ និងទៅពិនិត្យសុខភាពថ្លើមឱ្យបានជាប់លាប់។ ចំពោះអ្នកដែលមានបញ្ហាថ្លើមស្រាប់ គួរពិគ្រោះជាមួយគ្រូពេទ្យជំនាញដើម្បីរៀបចំរបបអាហារឱ្យបានត្រឹមត្រូវបំផុត។ ការថែរក្សាថ្លើមតាមរយៈរបបអាហារធម្មជាតិ គឺជាវិធីសាស្ត្រដ៏ល្អបំផុតដើម្បីធានាថា រាងកាយរបស់អ្នកស្អាត និងមានសុខភាពល្អពីខាងក្នុង៕