ការពិសាកាហ្វេក្នុងបរិមាណសមរម្យនៅពេលថ្ងៃ មិនត្រឹមតែជួយឱ្យអ្នកស្វាងពីភាពងងុយដេកប៉ុណ្ណោះទេ ប៉ុន្តែវាក៏ផ្ដល់អត្ថប្រយោជន៍ដល់សុខភាពជាច្រើនទៀតដែលអ្នកប្រហែលជាមិនធ្លាប់ដឹង។
ខាងក្រោមនេះ គឺជាអត្ថប្រយោជន៍សំខាន់ៗនៃការពិសាកាហ្វេ ៖
១. បង្កើនថាមពល និងសមត្ថភាពខួរក្បាល
ជាតិកាហ្វេអ៊ីន ជួយរារាំងសារធាតុម្យ៉ាងក្នុងខួរក្បាលដែលធ្វើឱ្យយើងងងុយគេង ។ វាជួយឱ្យ៖
-ស្មារតីស្វាហាប់ និងមានការចងចាំល្អជាងមុន។
-បង្កើនភាពផ្ដោតអារម្មណ៍បានយូរក្នុងពេលបំពេញការងារ ឬរៀនសូត្រ។
-កាត់បន្ថយភាពតានតឹង និងធ្វើឱ្យអារម្មណ៍ស្រស់ស្រាយ។
២. ជួយក្នុងការសម្រកទម្ងន់ និងដុតបំផ្លាញជាតិខ្លាញ់
ជាតិកាហ្វេអ៊ីនគឺជាសារធាតុធម្មជាតិមួយក្នុងចំណោមសារធាតុតិចតួចបំផុត ដែលត្រូវបានគេរកឃើញថាអាចជួយដុតបំផ្លាញជាតិខ្លាញ់៖
-វាជួយបង្កើនអត្រាមេតាប៉ូលីស (ការដុតរំលាយអាហារ) ពី ៣% ទៅ ១១%។
-បង្កើនសមត្ថភាពរាងកាយក្នុងការហាត់ប្រាណបានយូរ និងខ្លាំងជាងមុន។
៣. ការពារជំងឺរ៉ាំរ៉ៃមួយចំនួន
ការសិក្សាស្រាវជ្រាវជាច្រើនបានបង្ហាញថា អ្នកដែលញ៉ាំកាហ្វេជាប្រចាំមានហានិភ័យទាបចំពោះ៖
-ជំងឺទឹកនោមផ្អែមប្រភេទទី២៖ កាត់បន្ថយហានិភ័យបានពី ២០% ទៅ ៥០%។
-ជំងឺមហារីក ៖ ជាពិសេសមហារីកថ្លើម និងមហារីកពោះវៀនធំ។
-ជំងឺវង្វេងវង្វាន់ (Alzheimer)៖ កាត់បន្ថយហានិភ័យនៃជំងឺប្រព័ន្ធប្រសាទ។
៤. ការពារសុខភាពថ្លើម
កាហ្វេមានប្រសិទ្ធភាពខ្ពស់ក្នុងការការពារថ្លើមពីជំងឺក្រិនថ្លើម និងខ្លាញ់រុំថ្លើម។ អ្នកដែលញ៉ាំកាហ្វេលើសពី ៤ កែវក្នុងមួយថ្ងៃ (ក្នុងកម្រិតសមរម្យ) អាចកាត់បន្ថយហានិភ័យជំងឺក្រិនថ្លើមបានរហូតដល់ ៨០% ៕