យោងតាមការផ្សាយរបស់សារព័ត៌មានបរទេស ការឈានចូលមកដល់ពាក់កណ្ដាលឆ្នាំ គឺជាឱកាសមាសសម្រាប់អ្នកក្នុងការស្ដារ និងជំរុញគោលដៅដែលបានគ្រោងទុកឱ្យក្លាយជាការពិត។
ដើម្បីជៀសវាងការបោះបង់ចោលកណ្ដាលទី លោកអ្នកគួរចាប់ផ្ដើមពីការ កំណត់គោលដៅតូចៗ ដោយបំបែកគម្រោងធំឱ្យទៅជាបំណែកងាយស្រួលអនុវត្ត ដើម្បីកសាងទំនុកចិត្ត និងកម្លាំងចិត្តជាជំហានៗ។ មុននឹងបន្តទៅមុខ ការ វាយតម្លៃសមត្ថភាព និងចំណង់ចំណូលចិត្ត ជារឿងចាំបាច់បំផុត ដើម្បីដឹងថាអ្នកត្រូវពង្រឹងជំនាញអ្វីបន្ថែម និងត្រូវរក្សាការ ផ្ដោតអារម្មណ៍ឱ្យរឹងមាំ ទោះបីជាជួបការលំបាកនៅដំណាក់កាលដំបូងក៏ដោយ។
យន្តការដែលមិនអាចខ្វះបានគឺការ រៀបចំផែនការឱ្យបានច្បាស់លាស់ ដែលរួមមានការកំណត់ជំហានអនុវត្ត ការដាក់ថ្ងៃផុតកំណត់ ដើម្បីបង្ការការភ្លេចភ្លាំង និងការបង្កើតកាលវិភាគវាយតម្លៃវឌ្ឍនភាពឱ្យបានទៀងទាត់។ លោកអ្នកក៏ត្រូវមានភាពបត់បែនក្នុងការ កែសម្រួលផែនការឱ្យសមស្របតាមស្ថានភាពជាក់ស្ដែង ដើម្បីកាត់បន្ថយភាពតានតឹងដែលនាំឱ្យមានការបោះបង់។ ជាចុងក្រោយ គន្លឹះដែលសំខាន់បំផុតគឺការ ចាត់វិធានការភ្លាមៗ ដោយជម្រះចោលនូវទម្លាប់ពន្យារពេល ព្រោះរាល់នាទីដែលកន្លងផុតទៅគឺជាឱកាសក្នុងការខិតទៅកៀកនឹងក្ដីសុបិនរបស់អ្នក៕