​ភេសជ្ជៈពេលព្រឹក ៣ យ៉ាង ជួយជម្រះជាតិពុល កម្ចាត់មេរោគ និងបំប៉នថ្លើម-តម្រងនោម​

យោងតាមការផ្សាយរបស់សារព័ត៌មានបរទេស ការចាប់ផ្ដើមថ្ងៃថ្មីជាមួយនឹងភេសជ្ជៈដែលជួយបន្សាបជាតិពុល គឺជាវិធីសាស្ត្រដ៏សាមញ្ញបំផុតក្នុងការជួយឱ្យថ្លើម និងតម្រងនោមដំណើរការបានល្អ។ សរីរាង្គទាំងពីរនេះដើរតួនាទីយ៉ាងសំខាន់ក្នុងការចម្រោះជាតិពុល បញ្ចេញកាកសំណល់ និងរក្សាតុល្យភាពជាតិទឹកក្នុងរាងកាយ។

ភេសជ្ជៈដំបូងគឺ ទឹកក្រូចឆ្មារលាយល្មៀត ដែលសម្បូរទៅដោយវីតាមីន C និងសារធាតុ ពីល្មៀត។ វាមានសមត្ថភាពខ្ពស់ក្នុងការកាត់បន្ថយការរលាក និងការពារថ្លើមពីជំងឺរ៉ាំរ៉ៃ។ អ្នកគ្រាន់តែច្របាច់ក្រូចឆ្មារកន្លះផ្លែក្នុងទឹកក្ដៅឧណ្ហៗ រួចបន្ថែមល្មៀតមួយចិបជាការស្រេច។ បន្ទាប់មកគឺ ទឹកដូង ដែលជាប្រភពនៃអេឡិចត្រូលីត និងប៉ូតាស្យូម ជួយដល់មុខងារតម្រងនោមក្នុងការបញ្ចេញជាតិពុល និងការពារការកើតគ្រួសក្នុងតម្រងនោមយ៉ាងមានប្រសិទ្ធភាព។

ភេសជ្ជៈចុងក្រោយគឺ តែខ្ញីលាយស្លឹកជីរអង្កាម។ ខ្ញីមានលក្ខណៈសម្បត្តិប្រឆាំងការរលាកយ៉ាងខ្លាំងក្លា ដែលជួយឱ្យថ្លើមចម្រោះជាតិពុលបានលឿន ខណៈដែលជីអង្កាមជួយសម្រួលដល់ក្រពះ និងបង្កើនមុខងារថ្លើម។ ការទទួលទានតែនេះមិនត្រឹមតែជួយជម្រះជាតិពុលនោះទេ ប៉ុន្តែថែមទាំងជួយសម្រកទម្ងន់ និងកាត់បន្ថយជាតិខ្លាញ់អាក្រក់ក្នុងឈាមទៀតផង។

ជារួម ការដាក់បញ្ចូលភេសជ្ជៈទាំងនេះទៅក្នុងទម្លាប់ពេលព្រឹកទាំងពោះទទេ នឹងជួយឱ្យរាងកាយរបស់អ្នកស្រស់ថ្លា និងមានសុខភាពល្អពីខាងក្នុងមកវិញ៕

​