តើការទទួលទាន “ផ្លែចេក” អាចជួយឱ្យស្រកទម្ងន់ដែរទេ?

តើការទទួលទានចេកអាចជួយឱ្យអ្នកស្រកទម្ងន់? ចម្លើយនោះ គឺពិតណាស់ការទទួលទានចេកជួយឱ្យស្រកទម្ងន់បានឆាប់! ចេកទំហំមធ្យម ១ ផ្លែ​ មានផ្ទុកជាតិសសៃ ៣ ក្រាម, ជាតិស្ករធម្មជាតិ ១៤ ក្រាម, ជាតិកាបូអ៊ីដ្រាត ២៧ ក្រាម, ជាតិកាឡូរី ១០៥ កាឡូរី រួមទាំងសារធាតុចិញ្ចឹមសំខាន់ៗសម្រាប់ក្បាលពោះរាបស្មើមានសុខភាពល្អ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែគួរចាំថា បើប្រៀបធៀបទៅនឹងផ្លែឈើដទៃទៀត ចេក គឺមានផ្ទុកជាតិកាឡូរី និងជាតិកាបូអ៊ីដ្រាតខ្ពស់ជាងបន្តិច។ ដូច្នេះបើចង់ស្រកទម្ងន់គួរទទួលទានត្រឹម ១ ផ្លែទំហំ ៥ អ៊ីញ ឬពី ១២ ទៅ ១៣ សង់ទីម៉ែត្រទើបប្រសើរ។ ការទទួលទានបែបនេះនឹងធ្វើឱ្យអ្នកទទួលបាននូវសុខភាពល្អ រួមទាំងរូបរាងស្រស់ស្អាតផងដែរ។ ខាងក្រោមវេបសាយសុខភាព  Health.com.kh នឹងបង្ហាញឱ្យដឹងពីមូលហេតុដែលផ្លែចេកអាចជួយឱ្យអ្នកស្រកទម្ងន់បាន ៖

១. កាត់បន្ថយការឃ្លាន

មួយក្នុងចំណោមផ្នែកដ៏ពិបាកបំផុតផ្សេងទៀតក្នុងការសម្រកទម្ងន់ គឺការគ្រប់គ្រងភាពឃ្លាន។ នៅពេលអ្នកធ្លាប់ទទួលទានច្រើន អ្នកអាចនឹងប្រែជាឃ្លានខ្លាំងនៅពេលកាត់បន្ថយការទទួលទានអាហារដើម្បីស្រកទម្ងន់។ ហើយវិធីមួយដ៏ងាយស្រួល ប៉ុន្តែមានប្រសិទ្ធភាពខ្ពស់បំផុតទប់ទល់នឹងភាពឃ្លាន គឺការទទួលទានជាតិសសៃឱ្យបានច្រើន។ ចេក ជាអាហារមានផ្ទុកសម្បូរទៅដោយជាតិសសៃ, ជាតិ  pectin និងជាតិម្ស៉ៅដែលជួយកាត់បន្ថយការឃ្លាន និងធ្វើឱ្យឆាប់ឆ្អែត។

២. ជាបង្អែមបែបធម្មជាតិ

ចេកទុំភាគច្រើន គឺមានរសជាតិផ្អែម ហើយពេលខ្លះទោះបីជាកំឡុងពេលសម្រកទម្ងន់ក៏ដោយ ក៏យើងត្រូវការទទួលទានអាហារផ្អែមៗ។ ដូច្នេះផ្លែចេកអាចត្រូវបានទទួលទានជំនួសបង្អែមផ្សេងៗដែលមានជាតិស្ករខ្ពស់បាន។

៣. ប្រយុទ្ធប្រឆាំងទប់ស្កាត់ការហើម

ចេក ជាប្រភពដ៏ប្រសើរនៃជាតិសសៃ prebiotic ដែលជួយចិញ្ចឹមបាក់តេរីល្អៗក្នុងពោះវៀន និងបង្កើនការរំលាយអាហារ។ វាក៏មានផ្ទុកសម្បូរទៅដោយជាតិប៉ូតាស្យូមដែលជួយកាត់បន្ថយការស្តុកទុកជាតិទឹកដែលលើសក្នុងរាងកាយផងដែរ។ ការសិក្សាស្រាវជ្រាវបានរកឃើញថាស្ត្រីដែលទទួលទានចេក ១ ផ្លែតូច ២ ដងក្នុងមួយថ្ងៃជាប្រចាំសម្រាប់រយៈពេលយ៉ាងហោចណាស់ ២ ខែ ស្រកក្បាលពោះបានដល់ទៅ ៥០ ភាគរយ។ ទោះជាយ៉ាងណាត្រូវប្រាកដថា អ្នកក៏កាត់បន្ថយការទទួលទានជាតិស្ករ និងកាបូអ៊ីដ្រាតច្រើនផងដែរ។

៤. មានសន្ទស្សន៍ Glycemic ទាប

អាហារមានសន្ទស្សន៍ Glycemic ខ្ពស់បង្កើនកម្រិតនៃជាតិស្ករក្នុងឈាមដែលមិនត្រឹមតែប៉ះពាល់ដល់ទម្ងន់ប៉ុណ្ណោះទេ ប៉ុន្តែក៏បង្កបញ្ហាសុខភាពផ្សេងទៀតគួរឱ្យព្រួយបារម្ភផងដែរ។ ក៏ព្រោះតែមានសន្ទស្សន៍ Glycemic ទាប ផ្លែចេកជាអាហារដ៏ល្អបំផុតសម្រាប់អ្នកសម្រក
ទម្ងន់។

៥. អាហារដ៏ប្រសើរក្រោយធ្វើលំហាត់ប្រាណសម្រកទម្ងន់

ចេក ជាប្រភពដ៏ប្រសើរនៃជាតិគ្លុយកូសដែលផ្ដល់ថាមពលបានឆាប់ក្រោយពេលធ្វើលំហាត់ប្រាណ។ លើសពីនេះទៅទៀតចេកក៏មានផ្ទុកសម្បូរទៅដោយជាតិប៉ូតាស្យូមដែលប្រយុទ្ធប្រឆាំងអាការៈវិលមុខ និងឈឺរមួលសាច់ដុំផងដែរ៕