យោងតាមការផ្សាយរបស់សារព័ត៌មានបរទេស ប្រអប់ប្លាស្ទិកជាជំនួយការដ៏ងាយស្រួលក្នុងផ្ទះបាយ ប៉ុន្តែវាក៏ជា “អ្នកបំផ្លាញសុខភាព” ស្ងៀមស្ងាត់ផងដែរ ប្រសិនបើអ្នកប្រើវាសម្រាប់ដាក់ប្រភេទអាហារដែលមិនត្រូវគ្នា។ នៅពេលប្លាស្ទិកជួបនឹងកម្ដៅ ខ្លាញ់ ឬអាស៊ីត វានឹងរលាយចេញនូវសារធាតុគីមីគ្រោះថ្នាក់ជ្រាបចូលក្នុងអាហាររបស់អ្នក និងបន្សល់ទុកនូវស្នាមប្រឡាក់ ក្លិនមិនល្អដែលពិបាកសម្អាត។
អាហារដែលគួរជៀសវាងដាក់ក្នុងប្រអប់ប្លាស្ទិកមានដូចជា៖ អាហារក្ដៅខ្លាំង (ធ្វើឱ្យប្លាស្ទិកទន់ និងបញ្ចេញជាតិពុល), អាហារជាតិអាស៊ីតខ្ពស់ ដូចជាទឹកជ្រលក់ប៉េងប៉ោះ ឬផ្លែឈើជូរ (ស៊ីច្រេះផ្ទៃប្លាស្ទិក), អាហារមានពណ៌ខ្លាំង និងហឹរ (បង្កស្នាមប្រឡាក់ជាប់យូរ), អាហារជាតិខ្លាញ់ខ្ពស់ (ធ្វើឱ្យប្លាស្ទិកឆាប់រលួយ) និង អាហារមានជាតិអាល់កុល (ដែលដើរតួជាសារធាតុរំលាយរចនាសម្ព័ន្ធប្លាស្ទិក)។
ដើម្បីសុវត្ថិភាព លោកអ្នកគួរងាកមកប្រើ ប្រអប់កញ្ចក់ឬកែវ (ដែលធន់នឹងអាស៊ីត និងគ្មានក្លិន), ដែកអ៊ីណុក ឬ សេរ៉ាមិច ជំនួសវិញសម្រាប់អាហារប្រភេទនេះ។
ប្រសិនបើត្រូវប្រើប្រអប់ប្លាស្ទិក ចូរជៀសវាងការដាក់ចូលក្នុងមីក្រូវ៉េវទាំងក្ដៅខ្លាំង ឬប្រើប្រអប់ដែលចាស់ឆ្កូត ហើយគួរប្រើវាសម្រាប់តែដាក់របស់ស្ងួត ឬបន្លែផ្លែឈើដែលមិនមានជាតិអាស៊ីតទើបជាការប្រសើរ៕