យោងតាមការផ្សាយរបស់សារព័ត៌មានបរទេសទោះបីជាតែបៃតង និងតែខ្មៅមានប្រភពចេញពីដើមតែតែមួយ ប៉ុន្តែភាពខុសគ្នានៃវិធីសាស្ត្រផលិតបានធ្វើឱ្យពួកវាមានគុណសម្បត្តិរៀងៗខ្លួន។
តែខ្មៅត្រូវបានគេផលិតតាមរយៈការផ្អាប់ឱ្យមានប្រតិកម្មអុកស៊ីតកម្ម ដែលធ្វើឱ្យស្លឹកតែប្រែជាពណ៌ត្នោតចាស់ និងមានរសជាតិដិត ខណៈតែបៃតងមិនត្រូវបានផ្អាប់ឡើយ ដើម្បីរក្សាពណ៌បៃតងស្រស់ និងសារធាតុចិញ្ចឹមដើមឱ្យនៅដដែល។ ទោះជាយ៉ាងណា តែទាំងពីរប្រភេទនេះសុទ្ធតែជាមិត្តល្អរបស់បេះដូង និងខួរក្បាល តាមរយៈការជួយបញ្ចុះជាតិខ្លាញ់អាក្រក់កាត់បន្ថយសម្ពាធឈាម និងកាត់បន្ថយហានិភ័យនៃជំងឺដាច់សរសៃឈាមខួរក្បាល ប្រសិនបើទទួលទានក្នុងបរិមាណសមល្មម ៣ កែវក្នុងមួយថ្ងៃ។
ប្រសិនបើអ្នកចង់បានការការពាររាងកាយកម្រិតខ្ពស់ តែបៃតងគឺជាជម្រើសដ៏ប្រសើរ ព្រោះវាសម្បូរទៅដោយសារធាតុ ដែលជាសារធាតុប្រឆាំងអុកស៊ីតកម្មដ៏មានឥទ្ធិពល ជួយប្រឆាំងកោសិកាមហារីក ការពារថ្លើម និងកាត់បន្ថយការរលាក។ ម្យ៉ាងទៀត តែបៃតងមានជាតិកាហ្វេអ៊ីនតិច (២៩ មិល្លីក្រាម) និងសម្បូរសារធាតុ ដែលជួយឱ្យអារម្មណ៍ស្ងប់ និងកាត់បន្ថយភាពតានតឹង។ ដោយឡែក សម្រាប់អ្នកដែលត្រូវការថាមពលដើម្បីបំពេញការងារ តែខ្មៅគឺជាជំនួយការដ៏ល្អ ព្រោះវាមានជាតិកាហ្វេអ៊ីនខ្ពស់ជាង (៤៧ មីល្លិលីក្រាម) ជួយឱ្យស្មារតីស្វាងល្អ និងមានសារធាតុ ដែលជួយការពារកោសិកាខ្លាញ់ពីការខូចខាត និងជួយដល់សុខភាពពោះវៀន។
សរុបមក ការជ្រើសរើសអាស្រ័យលើតម្រូវការរបស់អ្នក ដោយគ្រាន់តែ ជ្រើសរើសតែបៃតងដើម្បីភាពស្រស់ស្រាយ និងស្ងប់ចិត្ត ឬជ្រើសរើសតែខ្មៅដើម្បីបង្កើនថាមពល និងការផ្ដោតអារម្មណ៍៕