ការគ្រប់គ្រងរបបអាហារ គឺជាកត្តាសំខាន់បំផុតក្នុងការគ្រប់គ្រងសម្ពាធឈាម និងការពារគ្រោះថ្នាក់ផ្សេងៗដូចជា ជំងឺដាច់សរសៃឈាមខួរក្បាល ឬជំងឺបេះដូង ។
សម្រាប់អ្នកមានជំងឺលើសឈាម អាហារដែលគួរតម ឬកាត់បន្ថយមានដូចជា ៖
១. អាហារដែលមានជាតិប្រៃខ្លាំង (សូដ្យូមខ្ពស់)
ជាតិប្រៃធ្វើឱ្យរាងកាយរក្សាជាតិទឹកកាន់តែច្រើន ដែលបង្កើនសម្ពាធទៅលើសរសៃឈាម៖
-គ្រឿងផ្អាប់ ៖ ប្រហុក ផ្អក មាំ ត្រីងៀត ត្រីប្រៃ សាច់ក្រក និងជ្រក់គ្រប់ប្រភេទ។
-ទឹកជ្រលក់៖ ទឹកត្រី ទឹកស៊ីអ៊ីវ ទឹកប្រេងខ្យង និងទឹកប៉េងប៉ោះ (គួរប្រើក្នុងបរិមាណតិចតួចបំផុត)។
-អាហារកំប៉ុង និងអាហារកែច្នៃ ៖ មីកញ្ចប់ អាហារបំពងស្រួយ និងសាច់កំប៉ុង។
២. អាហារសម្បូរជាតិខ្លាញ់មិនល្អ (Saturated & Trans Fats)
ខ្លាញ់មិនល្អធ្វើឱ្យកកស្ទះសរសៃឈាម និងធ្វើឱ្យសម្ពាធឈាមឡើងខ្ពស់៖
-សាច់សត្វមានជាប់ខ្លាញ់៖ ខ្លាញ់ជ្រូក ស្បែកមាន់ ស្បែកទា និងសាច់កែច្នៃដូចជាប៊ីខន (Bacon)។
-អាហារបំពង៖ ដំឡូងបារាំងបំពង មាន់បំពង និងនំដែលមានប្រើខ្លាញ់ច្រើន។
-ផលិតផលទឹកដោះគោខ្លាញ់ពេញ ៖ ប៊ឺ (Butter) និងគ្រីម (Cream)។
៣. អាហារ និងភេសជ្ជៈផ្អែមខ្លាំង
ជាតិស្ករច្រើនពេកនាំឱ្យលើសទម្ងន់ និងប៉ះពាល់ដល់សុខភាពសរសៃឈាម៖
-ភេសជ្ជៈកំប៉ុង ទឹកក្រូចផ្អែម និងតែទឹកដោះគោ ។
-នំផ្អែមៗ និងបង្អែមដែលមានជាតិស្ករខ្ពស់ ។
៤. គ្រឿងស្រវឹង និងជាតិកាហ្វេអ៊ីន
-គ្រឿងស្រវឹង ៖ ការផឹកច្រើនធ្វើឱ្យសម្ពាធឈាមឡើងខ្ពស់ភ្លាមៗ និងធ្វើឱ្យថ្នាំបញ្ចុះសម្ពាធឈាមចុះខ្សោយប្រសិទ្ធភាព។
-កាហ្វេអ៊ីន ៖ កាហ្វេ ឬភេសជ្ជៈប៉ូវកម្លាំងអាចធ្វើឱ្យចង្វាក់បេះដូងដើរញាប់ និងឡើងសម្ពាធឈាមមួយរំពេច។
អាហារដែល «គួរទទួលទាន» ជំនួសវិញ (DASH Diet)៖
ដើម្បីជួយបញ្ចុះសម្ពាធឈាម អ្នកគួរផ្ដោតលើ ៖
-បន្លែ និងផ្លែឈើ ៖ សម្បូរជាតិប៉ូតាស្យូម (ដូចជា ចេក ស្ពៃពួយឡេង និងដំឡូងជ្វា) ដែលជួយបណ្តេញជាតិប្រៃចេញពីរាងកាយ។
-គ្រាប់ធញ្ញជាតិ ៖ ដូចជា អង្ករសម្រូប គ្រាប់ស្វាយចន្ទី និងគ្រាប់អាល់ម៉ុន។
-ត្រី និងសាច់ស ៖ សាច់ទ្រូងមាន់ ឬត្រីដែលមានខ្លាញ់ល្អ (Omega-3) ដូចជាត្រីសាល់ម៉ុន ឬត្រីដែលមិនសូវសម្បូរខ្លាញ់អាក្រក់។