យោងតាមការផ្សាយរបស់សារព័ត៌មានបរទេស តាសក់មិនមែនត្រឹមតែជាបន្លែសម្រាប់អមមុខម្ហូបប៉ុណ្ណោះទេ ប៉ុន្តែវាគឺជា “កំពូលអាហារ” ដែលផ្ដល់ជាតិទឹកដល់រាងកាយរហូតដល់ 96%។
ការញ៉ាំតាសក់ទាំងសំបកជាប្រចាំ ជួយឱ្យរាងកាយទទួលបានវីតាមីន K និង C យ៉ាងច្រើន ដែលដើរតួនាទីយ៉ាងសំខាន់ក្នុងការពង្រឹងឆ្អឹង និងការពារកោសិកាពីជំងឺផ្សេងៗតាមរយៈសារធាតុប្រឆាំងអុកស៊ីតកម្ម។
សម្រាប់អ្នកដែលចង់សម្រកទម្ងន់ តាសក់គឺជាជម្រើសលេខ១ ព្រោះវាមានកាឡូរីទាបបំផុត តែជួយឱ្យឆ្អែតបានយូរ និងជួយលាងសម្អាតប្រព័ន្ធរំលាយអាហារឱ្យដំណើរការល្អ បាត់បញ្ហាទល់លាមក។
លើសពីនេះ វាក៏ជួយកាត់បន្ថយជាតិស្ករក្នុងឈាម និងផ្ដល់សំណើមដល់ស្បែកពីខាងក្នុង ជួយឱ្យផ្ទៃមុខស្រស់ថ្លា និងកាត់បន្ថយស្នាមជ្រីវជ្រួញបានយ៉ាងមានប្រសិទ្ធភាព៕