យោងតាមការផ្សាយរបស់សារព័ត៌មានបរទេស ការកក់សក់នៅពេលយប់ រួចចូលគេងទាំងសក់សើម គឺជាទម្លាប់ដ៏គ្រោះថ្នាក់ដែលមនុស្សជាច្រើនមើលរំលង។
សំណើមដែលនៅសេសសល់លើស្បែកក្បាល រួមផ្សំជាមួយកម្ដៅរាងកាយ បង្កើតបានជាបរិយាកាសដ៏ល្អសម្រាប់មេរោគ និងផ្សិត ជាពិសេសផ្សិត Malassezia លូតលាស់។ បញ្ហានេះបង្កឱ្យមានការរមាស់ កើតអង្គែ រលាកស្បែកក្បាល និងធ្វើឱ្យឫសសក់ចុះខ្សោយ ដែលឈានទៅរកការជ្រុះសក់យ៉ាងធ្ងន់ធ្ងរ ឬការជ្រុះសក់ជាបំណែកៗ។
ដើម្បីការពារសុខភាពស្បែកក្បាល អ្នកជំនាញណែនាំឱ្យកក់សក់នៅពេលព្រឹកវិញ។ ប៉ុន្តែប្រសិនបើចាំបាច់ត្រូវកក់នៅពេលយប់ អ្នកត្រូវតែ “ផ្លុំសក់ឱ្យស្ងួតទាំងស្រុង” មុនពេលដាក់ខ្លួនគេង។ ការប្រើម៉ាស៊ីនផ្លុំសក់ដោយជ្រើសរើសខ្យល់ត្រជាក់ ឬក្ដៅឧណ្ហៗ ផ្លុំឱ្យស្ងួតតាំងពីឫសសក់ គឺជាវិធីសាស្ត្រដ៏ល្អបំផុតដើម្បីការពារការឆ្លងមេរោគផ្សិត និងរក្សាសក់ឱ្យក្រាស់រឹងមាំ៕