ជំងឺលើសឈាម (Hypertension) ត្រូវបានគេប្រសិទ្ធនាមថាជា ឃាតករលាក់មុខ ព្រោះវាជារឿយៗមិនបង្ហាញរោគសញ្ញាច្បាស់លាស់ភ្លាមៗនោះទេ រហូតដល់វាឈានដល់ដំណាក់កាលធ្ងន់ធ្ងរ ។
ទោះជាយ៉ាងណាក៏ដោយ នៅពេលដែលសម្ពាធឈាមឡើងខ្ពស់ខ្លាំង អ្នកជំងឺអាចជួបប្រទះនូវសញ្ញាព្រមានមួយចំនួនដូចខាងក្រោម ៖
១. រោគសញ្ញាទូទៅដែលគួរកត់សម្គាល់
-ឈឺក្បាលខ្លាំង៖ ជាពិសេសឈឺនៅម្ដុំផ្នែកខាងក្រោយកញ្ចឹងក និងច្រើនឈឺនៅពេលព្រឹកព្រលឹម។
-វិលមុខ និងស្រវាំងភ្នែក ៖ ភ្នែកឡើងងងឹត ឬមើលអ្វីមិនសូវច្បាស់។
-ហត់ ឬដង្ហើមខ្លី៖ មានអារម្មណ៍ថាពិបាកដកដង្ហើម ទោះបីជាមិនបានធ្វើការធ្ងន់ក៏ដោយ។
-ណែនទ្រូង ឬបេះដូងលោតខុសធម្មតា ៖ មានអារម្មណ៍ថាបេះដូងលោតញាប់ ឬញ័រទ្រូង។
-ហូរឈាមច្រមុះ ៖ នេះជាសញ្ញាមួយដែលអាចកើតមាននៅពេលសម្ពាធឈាមឡើងខ្ពស់ខ្លាំងភ្លាមៗ។
២. រោគសញ្ញាធ្ងន់ធ្ងរ (ត្រូវប្រញាប់ទៅមន្ទីរពេទ្យ)
ប្រសិនបើសម្ពាធឈាមឡើងខ្ពស់ខ្លាំងដល់កម្រិតអាសន្ន វាអាចបង្កជា៖
-ការភាន់ច្រឡំស្មារតី ឬវង្វេងវង្វាន់។
-មានអារម្មណ៍ចង់ក្អួត ឬក្អួតចង្អោរ។
-មានការឈឺចាប់ខ្លាំងក្នុងទ្រូង ឬតំបន់ខ្នង។
-ស្ពឹក ឬខ្សោយសាច់ដុំមួយចំហៀងខ្លួន (សញ្ញានៃការដាច់សរសៃឈាមខួរក្បាល)។