យោងតាមការផ្សាយរបស់សារព័ត៌មានបរទេស ការរៀបចំរបស់របរនៅក្បែរបង្អួចអាចធ្វើឱ្យផ្ទះមើលទៅស្រស់ស្អាត និងមានពន្លឺគ្រប់គ្រាន់ ប៉ុន្តែពន្លឺព្រះអាទិត្យ កម្ដៅ និងសំណើម គឺជាសត្រូវស្ងៀមស្ងាត់ដែលបំផ្លាញរបស់ប្រើប្រាស់ក្នុងផ្ទះរបស់អ្នក។
ដើម្បីការពារទ្រព្យសម្បត្តិ និងសុខភាពរបស់អ្នក អ្នកគួរជៀសវាងការដាក់របស់របរទាំងនេះនៅក្បែរបង្អួច៖
១. ឧបករណ៍អគ្គិសនី៖ កម្ដៅថ្ងៃធ្វើឱ្យសៀគ្វីខាងក្នុងឡើងកម្ដៅខ្លាំង ងាយឆ្លងចរន្ត និងកាត់បន្ថយអាយុកាលប្រើប្រាស់។
២. គ្រឿងសង្ហារិមឈើ៖ កម្ដៅថ្ងៃធ្វើឱ្យឈើស្ងួត ប្រេះ និងស្លេកពណ៌ ចំណែកសំណើមបង្កឱ្យមានផ្សិត និងកណ្តៀរ។
៣. របស់ប្រើប្រាស់ធ្វើពីប្លាស្ទិក៖ ពន្លឺ UV ធ្វើឱ្យប្លាស្ទិកផុយ ងាយបែកស្រួយ និងអាចបញ្ចេញសារធាតុគីមីមិនល្អ។
៤. គ្រឿងសម្អាង និងទឹកអប់៖ កម្ដៅធ្វើឱ្យសារធាតុផ្សំក្នុងក្រែម ឬសេរ៉ូមបាត់បង់ប្រសិទ្ធភាព និងអាចបង្កឱ្យរលាកស្បែក។
៥. សៀវភៅ និងរូបថត៖ ធ្វើឱ្យក្រដាសឡើងលឿង ផុយ និងទឹកថ្នាំរលុបបាត់ពណ៌។
៦. របស់របរប្រើកាវ ឬជ័រកៅស៊ូ៖ កម្ដៅធ្វើឱ្យកាវរបក និងជ័រកៅស៊ូក្លាយជាស្អិត ឬប្រេះ។
៧. ទៀនក្រអូប៖ ងាយរលាយបាត់រូបរាង និងហួតក្លិនក្រអូបអស់យ៉ាងរហ័ស។
៨. អាហារក្រៀម និងគ្រឿងទេស៖ ធ្វើឱ្យអាហារឆាប់ផ្អូម ដុះផ្សិត និងទាក់ទាញសត្វល្អិតផ្សេងៗ។
ការយល់ដឹង និងផ្លាស់ប្តូរទីតាំងរបស់របរទាំងនេះ មិនត្រឹមតែជួយសន្សំសំចៃថវិកាក្នុងការទិញថ្មីប៉ុណ្ណោះទេ ប៉ុន្តែថែមទាំងជួយឱ្យផ្ទះរបស់អ្នកមានរបៀបរៀបរយ និងសុវត្ថិភាពជាងមុន៕