ការបំបៅដោះកូនច្រើនតែត្រូវបានគេចាត់ទុកថាជាមធ្យោបាយធម្មជាតិសម្រាប់ចិញ្ចឹមកូន ហើយក៏អាចជួយឲ្យម្តាយថ្មីថ្មោងស្រកទម្ងន់បានដែរ។ នេះដោយសារតែការបំបៅដោះកូនធ្វើឲ្យរំលាយជាតិខ្លាញ់កាន់តែច្រើន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តាមការស្រាវជ្រាវបានបង្ហាញថា ការចិញ្ចឹមកូនដែលឧបត្តម្ភផ្តាច់មុខដោយទឹកដោះម្តាយ មានប្រយោជន៍ដល់ម្តាយ ដោយអាចរំលាយជាតិខ្លាញ់ជាមធ្យោម ៥០០កាឡូរីបន្ថែមទៀតជារៀងរាល់ថ្ងៃ ដែលរឿងនេះស្មើនឹងការកាត់បន្ថយការញ៉ាំអាហារច្រើន ឬហាត់ប្រាណកម្រិតមមធ្យមទៅខ្លាំងក្លា ៤៥ ទៅ ៦០នាទីក្នុងមួយថ្ងៃៗ។ ម្តាយដែលបំបៅដោះកូនក៏ប្រហែលជាគិតគូរច្រើនទៅលើអ្វីដែលពួកគេញ៉ាំដែរ។ រឿងនេះនឹងជំរុញដល់ការសម្រកទម្ងន់ថែមទៀតតាមរយៈការបន្ថយការញ៉ាំអាហារកៃឆ្នៃ និងញ៉ាំប្រូតេអ៊ីនសុទ្ធ ផ្លែឈើសម្បូរជាតិសរសៃ និងបន្លែកាន់តែច្រើនផងដែរ។ កត្តាទាំងពីរនេះហើយទើបធ្វើឲ្យការសិក្សាជាច្រើនបង្ហាញថា ស្រ្តីដែលបំបៅដោះកូនងាយនឹងស្រកទម្ងន់បានលឿនជាងស្រ្តីដែលមិនបំបៅដោះកូន។
ការសិក្សាមួយបានឲ្យដឹងទៀតថា ស្រ្តីដែលបំបៅដោះកូនតែមួយមុខគត់រយៈពេលយ៉ាងហោចណាស់ ៣ខែ អាចស្រកទម្ងន់បាន ១.៥គីឡូក្រាមឡើងទៅក្នុងរយៈពេលមួយឆ្នាំដំបូង ដែលវាជាអត្រាមួយល្អឲ្យកូនបៅម្សៅទឹកដោះគោ។ ក្រៅពីនេះ កាលណាស្រ្តីបំបៅដោះកូនកាន់តែយូរ ប្រយោជន៍នេះក៏នឹងមានកាន់តែច្រើនដែរ។ (អាន:ថ្នាំងងុយគេង ពេលអ្នកគួរប្រើ)
ការបំបៅដោះកូនក៏ប្រហែលជាមានឥទ្ធីពលរយៈពេលយូរលើទម្ងន់ស្រ្តីដែរ។ ស្រ្តីដែលបំបៅដោះកូនពី ៦ ទៅ ១២ខែ គឺមានភាគរយជាតិខ្លាញ់ក្នុងរាងកាយទាបរយៈពេល៥ឆ្នាំក្រោយពីសម្រាលកូនរួច ដែលរឿងនេះល្អជាងស្រ្តីដែលមិនបានបំបៅដោះកូនសោះ។ មួយវិញទៀត ស្រ្តីដែលបំបៅដោះកូនច្រើនជាង ១២សប្តាហ៍ក្រោយសម្រាលកូនរួច មានអត្រានៃការស្រកទម្ងន់ជាមធ្យម ៣.៤គីឡូក្រាមរយៈពេល ១០ឆ្នាំក្រោយសម្រាលកូនរួច។
សរុបសេចក្តីមក ការបំបៅដោះកូនតែមួយមុខគត់ រយៈពេលយ៉ាងហោចណាស់ ៣ ទៅ៦ខែ ប្រហែលជាជួយអ្នកស្រកទម្ងន់បានច្រើនជាងបំបៅកូនដោយម្សៅទឹកដោះគោ។ ការបំបៅដោះកូនក៏ប្រហែលជាអាចមានឥទ្ធិពលដល់ទម្ងន់អ្នករយៈពេលយូរឆ្នាំទៀតក្រោយពីសម្រាលកូនរួច៕