យោងតាមការផ្សាយរបស់សារព័ត៌មានបរទេស ការរួមភេទមិនមែនត្រឹមតែជារូបរាងកាយនោះទេ ប៉ុន្តែវាគឺជាការផ្សារភ្ជាប់ផ្នែកអារម្មណ៍យ៉ាងជ្រាលជ្រៅ។ ការប្រើប្រាស់ “សតិ” ឬ “ស្មារតី” ក្នុងល្បែងស្នេហា នឹងជួយឱ្យស្ត្រីមានអារម្មណ៍ម្ចាស់ការ ជឿជាក់លើតម្លៃខ្លួនឯង និងទទួលបានក្ដីសុខកាន់តែប្រសើរ។ ដើម្បីឈានទៅដល់ចំណុចនេះ ការចាប់ផ្ដើមដោយការ “ស្កេនរាងកាយ” គឺជាជំហានដំបូងដ៏សំខាន់ ដោយការចំណាយពេលមួយនាទីដកដង្ហើមវែងៗ និងដឹងពីភាពតានតឹងនៃកោសិការាងកាយពីក្បាលដល់ចុងជើង ដែលជួយឱ្យអ្នកមានវត្តមានពេញលេញនៅក្នុងខណៈពេលបច្ចុប្បន្ន។
ក្រៅពីការរៀបចំចិត្ត ការបង្កើនការយល់ដឹងតាមរយៈ “អារម្មណ៍ទាំងប្រាំ” ក៏ដើរតួនាទីយ៉ាងសកម្មផងដែរ។ តាមរយៈការផ្ដោតលើការប៉ះ ក្លិន សំឡេង រសជាតិ និងការមើលឃើញ វានឹងជួយរុញច្រានកង្វល់ផ្សេងៗចេញពីខួរក្បាល។ ទន្ទឹមនឹងនេះ ការរក្សាការដកដង្ហើមឱ្យវែង និងស្ថិរភាព នឹងជួយកាត់បន្ថយការថប់បារម្ភ និងអនុញ្ញាតឱ្យអ្នកមានថាមពលគ្រប់គ្រងអារម្មណ៍បានកាន់តែប្រសើរ។ អ្វីដែលសំខាន់បំផុតនោះគឺ “ការសម្អាតចិត្ត” ដោយការលះបង់ចោលនូវរាល់សម្ពាធនៃការរំពឹងទុក ឬការផ្គាប់ចិត្តដៃគូ ហើយងាកមកផ្ដោតលើអារម្មណ៍ល្អៗដែលកំពុងកើតឡើងដោយធម្មជាតិវិញ។
នៅក្នុងទំនាក់ទំនង តុល្យភាពរវាង “ការឱ្យ និងការទទួល” គឺជាគន្លឹះបង្កើនតម្លៃខ្លួនឯង។ ការប្តូរតួនាទីរវាងអ្នកផ្ដល់ក្ដីសុខ និងអ្នកទទួលយកការបបោសអង្អែល នឹងធ្វើឱ្យអ្នកមានអារម្មណ៍ថាខ្លួនឯងមានតម្លៃ។ ជាមួយគ្នានេះ ការប្រើប្រាស់ “ចលនាយឺតៗ” ដោយចេតនា នឹងជួយឱ្យអ្នកមានពេលវេលាកោតសរសើររាល់ព័ត៌មានលម្អិតនៃការប៉ះ និងក្លាយជាម្ចាស់ពិតប្រាកដនៃចង្វាក់ស្នេហា។
ជាចុងក្រោយ គ្មានអ្វីមានឥទ្ធិពលជាង “ការឱ្យតម្លៃរាងកាយខ្លួនឯង” និងការប្រើប្រាស់ “ពាក្យថ្លែងអំណរគុណ” នោះទេ។ ការមើលរាងកាយខ្លួនឯងដោយក្ដីស្រឡាញ់ និងការខ្សឹបប្រាប់ពីអារម្មណ៍ពិតទៅកាន់ដៃគូ មិនត្រឹមតែបង្កើតភាពស្និទ្ធស្នាលប៉ុណ្ណោះទេ ប៉ុន្តែវានឹងបញ្ចេញនូវពន្លឺនៃភាពជឿជាក់ និងភាពសិចស៊ីចេញពីខាងក្នុងដែលមិនអាចកាត់ថ្លៃបាន៕