ការរក្សសម្រស់ឱ្យនៅក្មេងជាងវ័យ និងមានសុខភាពល្អរឹងមាំ មិនមែនអាស្រ័យលើការប្រើប្រាស់គ្រឿងសម្អាងតែម្ខាងនោះទេ ប៉ុន្តែវាជាការរួមផ្សំគ្នារវាង របបអាហារ ការរស់នៅ និងផ្លូវចិត្ត ។
ខាងក្រោមនេះ គឺជាវិធីសាស្ត្រគន្លឹះដែលអ្នកគួរអនុវត្ត ៖
១. របបអាហារ «ពន្យារវ័យ»
របបអាហារ គឺជាកត្តាសំខាន់បំផុតដែលឆ្លុះបញ្ចាំងពីសុខភាពខាងក្នុង មកសម្រស់ខាងក្រៅ ៖
-ញ៉ាំបន្លែ និងផ្លែឈើឱ្យបានច្រើន ៖ ជាពិសេសបន្លែពណ៌បៃតង និងផ្លែឈើដែលមានសារធាតុប្រឆាំងអុកស៊ីតកម្ម (Antioxidants) ដូចជា ប៉េងប៉ោះ ស្ពៃខៀវ ការ៉ុត និងផ្លែប៊ឺរី ដែលជួយការពារកោសិកាស្បែកមិនឱ្យឆាប់ចាស់ ។
-កាត់បន្ថយជាតិស្ករ៖ ការញ៉ាំផ្អែមច្រើនពេកធ្វើឱ្យស្បែកឆាប់យារធ្លាក់ និងកើតជ្រួញ (តាមរយៈដំណើរការ Glycation)។
-ផឹកទឹកឱ្យបានគ្រប់គ្រាន់ ៖ យ៉ាងហោចណាស់ ២ លីត្រក្នុងមួយថ្ងៃ ដើម្បីឱ្យស្បែកមានសំណើម និងជួយបណ្តេញជាតិពុលពីក្នុងរាងកាយ។
២. ទម្លាប់រស់នៅប្រចាំថ្ងៃ
-គេងឱ្យបានគ្រប់គ្រាន់ (៧-៨ ម៉ោង): ពេលយើងគេង រាងកាយនឹងផលិតអរម៉ូនលូតលាស់ (Growth Hormone) ដើម្បីជួសជុលកោសិកាដែលខូចខាត ។ ការចូលគេងមុនម៉ោង ១១ យប់ គឺជាមាសប្រាក់សម្រាប់សម្រស់ ។
-ហាត់ប្រាណជាប្រចាំ ៖ ការហាត់ប្រាណជួយឱ្យចរន្តឈាមរត់បានល្អ ដែលធ្វើឱ្យស្បែកភ្លឺថ្លា និងជួយឱ្យរាងកាយមាំមួន បេះដូងមានសុខភាពល្អ។
-ការពារស្បែកពីកម្តៅថ្ងៃ៖ កាំរស្មី UV គឺជាសត្រូវលេខ ១ ដែលធ្វើឱ្យស្បែកឆាប់ចាស់ និងមានជាំខៅ ។ ត្រូវលាបឡេការពារកម្តៅថ្ងៃ (Sunscreen) ជាប្រចាំ ទោះបីជានៅក្នុងផ្ទះក៏ដោយ ។
៣. ថែរក្សាសុខភាពផ្លូវចិត្ត
-កាត់បន្ថយស្ត្រេស ៖ ភាពតានតឹងខ្លាំងធ្វើឱ្យរាងកាយបញ្ចេញជាតិពុល Cortisol ដែលបំផ្លាញកូឡាជែនក្រោមស្បែក ។ ការធ្វើសមាធិ ឬស្តាប់តន្ត្រីអាចជួយបានច្រើន។
-រក្សាស្នាមញញឹម៖ មនុស្សដែលរីករាយ និងមានសុខភាពផ្លូវចិត្តល្អ តែងតែមានរូបរាងក្មេងជាងវ័យ និងមានមន្តស្នេហ៍ ។