យោងតាមការស្រាវជ្រាវនិងការផ្សាយរបស់សារព័ត៌មានបរទេសការរៀបចំខ្លួនសម្រាប់សកម្មភាពស្និទ្ធស្នាលគឺជារឿងសំខាន់ ប៉ុន្តែសម្រាប់ស្ត្រីដែលមានអាយុលើសពី ៤០ ឆ្នាំ ដែលជារឿយៗស្ថិតក្នុងដំណាក់កាលផ្លាស់ប្តូរអ័រម៉ូន ការប្រុងប្រយ័ត្នលើឥរិយាបថមួយចំនួនគឺជាចាំបាច់ដើម្បីចៀសវាងបញ្ហាសុខភាពដែលមិនបានគ្រោងទុក។
គ្រូពេទ្យជំនាញបានណែនាំឱ្យជៀសវាងការទទួលទានអាហារច្រើនហួសប្រមាណមុនពេលរួមភេទ ព្រោះរាងកាយនឹងផ្តល់អាទិភាពលំហូរឈាមទៅកាន់ប្រព័ន្ធរំលាយអាហារ ដែលបង្កឱ្យមានអាការហើមពោះ និងមិនស្រួលក្នុងអាងត្រគាក។ ទន្ទឹមនឹងនេះ ការកោរ ឬដករោមតំបន់វិសុទ្ធភ្លាមៗក៏គួរជៀសវាងដែរ ព្រោះវាអាចបង្កើតរបួសតូចៗដែលងាយនឹងឆ្លងបាក់តេរី ឬមេរោគផ្សេងៗក្នុងពេលកកិត។ ក្រៅពីនេះ ការពិសាគ្រឿងស្រវឹងច្រើនពេកនឹងធ្វើឱ្យរាងកាយខ្សោះជាតិទឹក និងកាត់បន្ថយការបញ្ចេញទឹករំអិលធម្មជាតិ ដែលនាំឱ្យមានការឈឺចាប់ក្នុងពេលរួមភេទ ជាពិសេសចំពោះស្ត្រីដែលចាប់ផ្តើមមានបញ្ហាស្ងួតទ្វារមាសដោយសារការធ្លាក់ចុះអ័រម៉ូន។
ចុងក្រោយបំផុតដែលមិនគួរមើលរំលង គឺការរួមភេទក្នុងពេលកំពុងខឹងសម្បា ឬអារម្មណ៍រវើរវាយ។ នៅពេលខឹង សម្ពាធឈាម និងចង្វាក់បេះដូងកើនឡើងខ្លាំង ដែលអាចបង្កហានិភ័យដល់សុខភាពសរសៃឈាម និងប៉ះពាល់ដល់ផ្លូវចិត្តរយៈពេលវែង។ ការរៀបចំខ្លួនឱ្យបានរួចរាល់ទាំងកម្លាំងកាយ និងស្ថិរភាពផ្លូវចិត្ត នឹងជួយឱ្យបទពិសោធស្និទ្ធស្នាលរបស់អ្នកកាន់តែមានសុវត្ថិភាព និងមានក្តីសុខពិតប្រាកដ៕