យោងតាមការផ្សាយរបស់សារព័ត៌មានបរទេស បានបង្ហាញថាជីវិតផ្លូវភេទដែលមានសុភមង្គលគឺជាគ្រឹះនៃទំនាក់ទំនងរឹងមាំ ប៉ុន្តែនៅពេលវាចាប់ផ្តើមមានបញ្ហា វាតែងតែបង្ហាញសញ្ញាព្រមានតាមរយៈការផ្លាស់ប្តូរទម្លាប់ប្រចាំថ្ងៃ។
សញ្ញាដំបូងគឺភាពត្រជាក់ស្រពន់ ដែលស្តែងចេញតាមរយៈការកាត់បន្ថយភាពញឹកញាប់នៃការរួមភេទ និងការជៀសវាងការប៉ះពាល់រាងកាយសាមញ្ញៗដូចជាការឱប ឬការថើបជាដើម។ បញ្ហានេះកាន់តែធ្ងន់ធ្ងរនៅពេលដែលដៃគូម្ខាងចាប់ផ្តើមមានអារម្មណ៍មិនពេញចិត្តក្នុងពេលរួមភេទ ឬមានអារម្មណ៍ថាដាច់ឆ្ងាយពីគ្នាខាងផ្លូវចិត្ត ដោយសារតែការរួមភេទក្លាយជាការបញ្ចប់តាមភារកិច្ច និងខ្វះការថ្នាក់ថ្នម។
ទន្ទឹមនឹងនេះ កង្វះការប្រាស្រ័យទាក់ទងក៏ជាសញ្ញាគ្រោះថ្នាក់ផងដែរ ជាពិសេសនៅពេលដែលអ្នកទាំងពីរលែងហ៊ាននិយាយរឿងលើគ្រែ ឬមិនយល់ពីតម្រូវការគ្នាទៅវិញទៅមក។ ភាពតានតឹងពីការងារ និងភាពធុញទ្រាន់នឹងទម្លាប់ដដែលៗដោយមិនចង់សាកល្បងអ្វីថ្មី ក៏អាចធ្វើឱ្យអ្នកលែងចង់ចំណាយពេលផ្អែមល្ហែមជាមួយគ្នាទៀតដែរ។
ដើម្បីស្រោចស្រង់សុភមង្គលឡើងវិញ ការបើកចិត្តនិយាយគ្នាដោយស្មោះត្រង់ និងការផ្ដល់ក្ដីស្រឡាញ់ឱ្យគ្នាទៅវិញទៅមក គឺជាដំណោះស្រាយដ៏ល្អបំផុតជាជាងការទុកបញ្ហាឱ្យនៅរ៉ាំរ៉ៃ៕