យោងតាមការស្រាវជ្រាវនិងការផ្សាយរបស់សារព័ត៌មានបរទេសផ្នែកសុខភាពនិងអាហារូបត្ថម្ភ បានបង្ហាញថា ចំពោះអ្នកដែលមានបញ្ហាអង់ស៊ីមថ្លើមឡើងខ្ពស់ ការទទួលទានសាច់មាន់គឺជាជម្រើសដ៏ល្អប្រសើរជាងសាច់ក្រហម ព្រោះវាសម្បូរទៅដោយប្រូតេអ៊ីនដែលជួយជួសជុលកោសិកាថ្លើម និងមានជាតិខ្លាញ់ឆ្អែតទាប។
ទោះជាយ៉ាងណាក៏ដោយ អត្ថប្រយោជន៍នេះអាស្រ័យទាំងស្រុងលើរបៀបដែលអ្នកជ្រើសរើស និងចម្អិន ដោយអ្នកគួរញ៉ាំតែសាច់សុទ្ធ ដកស្បែកចេញ និងជៀសវាងការចម្អិនតាមវិធីបំពង អាំង ឬខដិតគ្រឿងទេសខ្លាំង ដែលបង្កឱ្យមានជាតិអុកស៊ីតកម្ម និងធ្វើឱ្យថ្លើមត្រូវធ្វើការធ្ងន់លើសដើម។
ដើម្បីរក្សាសុខភាពថ្លើមឱ្យមានតុល្យភាព អ្នកគួរទទួលទានសាច់មាន់ក្នុងបរិមាណល្មមត្រឹម ២ ទៅ ៣ ដងក្នុងមួយសប្តាហ៍ ដោយជ្រើសរើសវិធីស្ងោរ ឬចំហុយ និងត្រូវជៀសវាងការញ៉ាំគ្រឿងក្នុងជាដាច់ខាត។ ក្រៅពីសាច់មាន់ អ្នកគួរបន្ថែមរបបអាហារដែលមានត្រី តៅហ៊ូ និងបន្លែបៃតងឱ្យបានច្រើន រួមជាមួយការហាត់ប្រាណ និងសម្រាកឱ្យបានគ្រប់គ្រាន់ ដើម្បីជួយឱ្យកម្រិតអង់ស៊ីមថ្លើមត្រឡប់មកសភាពធម្មតាវិញ និងការពារហានិភ័យនៃជំងឺខ្លាញ់រុំថ្លើម៕