តិចនិកថែរក្សារាងស្អាត ៖ ហាត់ឱ្យត្រូវពេល ញ៉ាំឱ្យត្រូវម៉ោង

 ការ ហាត់ប្រាណមុនពេលញ៉ាំអាហារពេលល្ងាច» ជារឿងដែលប្រសើរជាង ។

សូមមើលការបកស្រាយលម្អិតខាងក្រោម ៖

១. មូលហេតុដែលគួរហាត់ប្រាណមុន រួចចាំញ៉ាំ

-ការដុតរំលាយជាតិខ្លាញ់៖ នៅពេលល្ងាច បើអ្នកមិនទាន់ញ៉ាំអាហារទេ រាងកាយនឹងទាញយកថាមពលដែលនៅសល់មកប្រើប្រាស់ ដែលជួយដល់ការសម្រកទម្ងន់។

-ជៀសវាងការឆ្អល់ពោះ ៖ ការហាត់ប្រាណទាំងពោះវៀនកំពុងរំលាយអាហារ អាចធ្វើឱ្យអ្នកចុកពោះ ឆ្អល់ ឬចង់ក្អួត ព្រោះឈាមត្រូវហូរទៅជួយសាច់ដុំ ជំនួសឱ្យការទៅជួយក្រពះ ។

-បង្កើនការស្រូបយកជីវជាតិ៖ ក្រោយពេលហាត់ប្រាណរួច សាច់ដុំរបស់អ្នកត្រូវការជាតិប្រូតេអ៊ីន និងកាបូអ៊ីដ្រាតដើម្បីជួសជុលខ្លួនឯង។ ការញ៉ាំក្រោយហាត់ ធ្វើឱ្យរាងកាយស្រូបយកជីវជាតិបានល្អបំផុត។

២. បើអ្នកឃ្លានខ្លាំងមុនហាត់ តើត្រូវធ្វើដូចម្តេច?

ប្រសិនបើអ្នកមកពីធ្វើការវិញអស់កម្លាំងខ្លាំង ហើយចង់ហាត់ប្រាណ អ្នកមិនគួរហាត់ទាំងដាច់បាយ នោះទេ៖

-អាហារសម្រន់ (មុនហាត់ ៣០-៦០ នាទី)៖ គួរញ៉ាំអាហារស្រាលៗដែលងាយរំលាយដូចជា ចេកទុំ ១ផ្លែ, យ៉ាអួ, ឬនំប៉័ង ១បន្ទះ ដើម្បីផ្ដល់ថាមពលភ្លាមៗ។

-ចៀសវាង៖ អាហារមានជាតិខ្លាញ់ខ្ពស់ អាហារហិរ ឬអាហារដែលមានជាតិសរសៃ (Fiber) ច្រើនពេក ព្រោះវាធ្វើឱ្យក្រពះរំលាយយឺត ។

៣. បើអ្នកញ៉ាំអាហារធ្ងន់រួចហើយ តើត្រូវចាំយូរប៉ុណ្ណា?

ប្រសិនបើអ្នកជ្រុលមាត់ញ៉ាំបាយល្ងាចរួចហើយ ៖

-អាហារ ៖ គួររង់ចាំយ៉ាងតិច២ ទៅ៣ ម៉ោង ទើបអាចហាត់ប្រាណបាន។

-អាហារមធ្យម ៖ គួររង់ចាំយ៉ាងតិច១ ម៉ោង។