ដើម្បីឱ្យព្រឹកព្រលឹមរបស់អ្នកក្លាយជាការចាប់ផ្តើមដ៏អស្ចារ្យ និងមានថាមពលពេញមួយថ្ងៃ វាមិនមែនអាស្រ័យតែលើអ្វីដែលអ្នកធ្វើនៅពេលព្រឹកនោះទេ ប៉ុន្តែក៏អាស្រ័យលើការត្រៀមខ្លួនតាំងពីយប់មិញផងដែរ ។
ខាងក្រោមនេះ គឺជា ទម្លាប់មាស ដើម្បីឱ្យអារម្មណ៍ល្អនៅពេលព្រឹក ៖
១. រៀបចំខ្លួនតាំងពីយប់មិញ ការមានព្រឹកព្រលឹមដ៏ល្អ ចាប់ផ្តើមចេញពីយប់មុន ៖
-គេងឱ្យបានគ្រប់គ្រាន់ ៖ យ៉ាងហោចណាស់ ៧-៨ ម៉ោង ដើម្បីឱ្យខួរក្បាលបានសម្រាកពេញលេញ។
-រៀបចំរបស់របរទុកមុន៖ រៀបចំសម្លៀកបំពាក់ ឬសម្ភារៈការងារឱ្យរួចរាល់ ដើម្បីកុំឱ្យមានភាពស្លន់ស្លោ និងហត់នឿយក្នុងការគិតនៅពេលព្រឹក។
២. កុំចាប់កាន់ទូរស័ព្ទភ្លាមៗ នេះជាចំណុចសំខាន់បំផុត! ការឆែកបណ្តាញសង្គម ឬអ៊ីមែលការងារភ្លាមៗក្រោយភ្ញាក់ពីគេង ធ្វើឱ្យខួរក្បាលទទួលរងសម្ពាធ និងការប្រៀបធៀបដែលនាំឱ្យមានភាពតានតឹង។
-ជំនួសមកវិញនូវ៖ ការផ្ដោតលើដង្ហើមចេញចូល ឬការអង្គុយស្ងៀមស្ងាត់ ១-២ នាទី។
៣. បង្កើនថាមពលរាងកាយ -ញ៉ាំទឹកមួយកែវ៖ បន្ទាប់ពីគេងជាច្រើនម៉ោង រាងកាយត្រូវការជាតិទឹកដើម្បីឱ្យខួរក្បាល និងសរីរាង្គដំណើរការឡើងវិញ។
-ពន្លឺព្រះអាទិត្យ៖ បើកបង្អួចឱ្យពន្លឺថ្ងៃចូលក្នុងបន្ទប់។ ពន្លឺធម្មជាតិជួយបញ្ឈប់ការផលិតអរម៉ូនងងុយគេង (Melatonin) និងជួយឱ្យអារម្មណ៍ស្រស់ស្រាយ។
-ចលនារាងកាយ៖ ការហាត់ប្រាណស្រាលៗ ឬយូហ្គា (Stretching) រយៈពេល ៥-១០ នាទី ជួយឱ្យឈាមរត់បានល្អ។
៤. បង្កើតថាមពលផ្លូវចិត្ត
-ការដឹងគុណ (Gratitude)៖ គិតពីអ្វី ៣ យ៉ាងដែលអ្នកមានអំណរគុណក្នុងជីវិត។ វាជួយបង្វែរអារម្មណ៍ពីភាពអវិជ្ជមាន មករកក្តីសុខវិញ។
-កំណត់គោលដៅ ៣យ៉ាង (Top 3 Tasks)៖ កុំដាក់ការងារច្រើនពេក ។ ជ្រើសរើសការងារសំខាន់បំផុតតែ ៣ ដែលអ្នកចង់សម្រេចឱ្យបាននៅថ្ងៃនេះ។
៥. បរិភោគអាហារពេលព្រឹកដែលមានគុណភាព ជៀសវាងអាហារដែលមានជាតិស្ករខ្ពស់ខ្លាំងពេក (ដូចជានំផ្អែមៗ) ព្រោះវាធ្វើឱ្យអ្នកអស់កម្លាំងលឿននៅពេលថ្ងៃត្រង់។ គួរជ្រើសរើសអាហារដែលមានប្រូតេអ៊ីន និងកាបូអ៊ីដ្រាតល្អ (ដូចជា ស៊ុត ផ្លែឈើ ឬគ្រាប់ធញ្ញជាតិ)។