យោងតាមការផ្សាយរបស់សារព័ត៌មានបរទេស បានឱ្យដឹងថា ការថែរក្សាសក់មិនមែនមានតែការប្រើសាប៊ូកក់សក់ ឬសេរ៉ូមពីខាងក្រៅប៉ុណ្ណោះទេ ការផ្តល់សារធាតុចិញ្ចឹមតាមរយៈភេសជ្ជៈនៅពេលព្រឹក ក៏ជាគន្លឹះដ៏សំខាន់ដែលមិនគួរមើលរំលង។ នៅពេលរាងកាយទើបភ្ញាក់ពីគេង វាគឺជាពេលវេលាដ៏ល្អបំផុតក្នុងការស្រូបយកវីតាមីន ដើម្បីទៅចិញ្ចឹមឫសសក់ឱ្យរឹងមាំ។
ភេសជ្ជៈទាំង ៥ មុខដែលអ្នកគួរជ្រើសរើសរួមមាន៖
១. ទឹកក្តៅឧណ្ហៗជាមួយក្រូចឆ្មារ៖ ផ្តល់វីតាមីន C ខ្ពស់ ជួយផលិតកូឡាជែន និងជំរុញលំហូរឈាមទៅកាន់ស្បែកក្បាល។
២. ទឹកក្តៅឧណ្ហៗស្អាត៖ ជួយផ្តល់សំណើមដល់ស្បែកក្បាល ការពារអង្គែ និងជួយឱ្យសក់មានពន្លឺថ្លាធម្មជាតិ។
៣. ទឹកប្រទាលកន្ទុយក្រពើ៖ មានអង់ស៊ីមជួយបន្សុទ្ធជាតិពុលក្នុងរាងកាយ និងកាត់បន្ថយការរលាកឫសសក់ដែលបង្កដោយស្ត្រេស។
៤. តែបៃតង៖ សម្បូរដោយសារធាតុប្រឆាំងអុកស៊ីតកម្ម ការពារឫសសក់ពីរ៉ាឌីកាល់សេរី និងជួយគ្រប់គ្រងជាតិខ្លាញ់លើស្បែកក្បាល។
៥. ទឹកគ្រាប់ Fennel: ជួយឱ្យអ័រម៉ូនមានតុល្យភាព និងបង្កើនសមត្ថភាពស្រូបយកសារធាតុចិញ្ចឹមពីអាហារទៅចិញ្ចឹមសក់។
ការអនុវត្តទម្លាប់ផឹកភេសជ្ជៈទាំងនេះជាប្រចាំ នឹងជួយឱ្យអ្នកទទួលបានសក់ដែលក្រាស់ រលោង និងកាត់បន្ថយបញ្ហាសក់ជ្រុះបានយ៉ាងល្អប្រសើរ។ ដើម្បីឱ្យកាន់តែប្រសើរ អ្នកគួរញ៉ាំអាហារឱ្យមានតុល្យភាព និងសម្រាកឱ្យបានគ្រប់គ្រាន់ផងដែរ៕