យោងតាមការចុះផ្សាយរបស់សារព័ត៌មានសុខភាពបរទេស ការផឹកទឹកភ្លាមៗបន្ទាប់ពីភ្ញាក់ពីដំណេកគឺជាទម្លាប់ដ៏ល្អ ប៉ុន្តែការជ្រើសរើសប្រភេទភេសជ្ជៈមិនបានត្រឹមត្រូវ អាចប្រែក្លាយជាការធ្វើបាបសុខភាពទៅវិញ។ យោងតាមការណែនាំរបស់អ្នកជំនាញ នេះគឺជាភេសជ្ជៈ ៥ មុខដែលអ្នកមិនគួរទទួលទានពេលពោះទទេ៖
ជាដំបូងគឺ តែ (ជាពិសេសតែខ្លាំង) ព្រោះវាសម្បូរទៅដោយជាតិកាហ្វេអ៊ីន និងតានីន ដែលជំរុញឱ្យក្រពះបញ្ចេញអាស៊ីតច្រើន បណ្តាលឱ្យចង្អោរ ឬក្រហាយទ្រូង។ បន្ទាប់មកគឺ ទឹកឃ្មុំ ទោះបីវាមានគុណប្រយោជន៍ច្រើន តែការផឹកពេលពោះទទេភ្លាមៗ នាំឱ្យកម្រិតជាតិស្ករក្នុងឈាមឡើងខ្ពស់ខុសធម្មតា ដែលអាចធ្វើឱ្យអ្នកវិលមុខ ឬអស់កម្លាំង។ ស្រដៀងគ្នានេះដែរ ទឹកផ្លែឈើច្របាច់ ដែលសម្បូរដោយអាស៊ីតសរីរាង្គ ក៏អាចទៅរំលាយស្រទាប់រំអិលការពារក្រពះ និងបង្កឱ្យមានការច្រាលអាស៊ីតបានយ៉ាងងាយ។
អ្វីដែលអ្នកគួរជៀសវាងជាដាច់ខាតគឺ ភេសជ្ជៈមានជាតិស្ករ និងសូដា ព្រោះវាធ្វើឱ្យរាងកាយទទួលរងសម្ពាធពីជាតិស្ករ និងឧស្ម័នកាបូនិកខ្លាំងពេក បង្កឱ្យហើមពោះ និងប៉ះពាល់ដល់សុខភាពសរសៃឈាមបេះដូងយូរអង្វែង។ ចុងក្រោយគឺ ទឹកត្រជាក់ដូចទឹកកក ដែលធ្វើឱ្យសរសៃឈាមក្នុងប្រព័ន្ធរំលាយអាហាររួមតូចភ្លាមៗ បង្កឱ្យមានការឈឺពោះ ឬរាគ ជាពិសេសចំពោះមនុស្សចាស់។
ដើម្បីសុខភាពល្អបំផុត អ្នកគួរចាប់ផ្តើមថ្ងៃថ្មីជាមួយ ទឹកក្តៅឧណ្ហៗ មួយកែវ ដើម្បីជួយឱ្យប្រព័ន្ធរាងកាយដំណើរការបានដោយរលូន និងមានសុវត្ថិភាព៕