យោងតាមការចុះផ្សាយរបស់សារព័ត៌មានសុខភាពបរទេស ការផឹកទឹកឱ្យបានច្រើនគឺជារឿងល្អ ប៉ុន្តែការផឹកឱ្យចំវិធី នឹងផ្តល់លទ្ធផលអស្ចារ្យជាងមុនទ្វេដង។ ដើម្បីទទួលបានស្បែកស្អាត និងប្រព័ន្ធរំលាយអាហាររឹងមាំ អ្នកគួរអនុវត្តតាមគន្លឹះសំខាន់ៗមួយចំនួន។ ចាប់ផ្តើមថ្ងៃថ្មីដោយ ទឹកក្តៅឧណ្ហៗលាយអំបិល បន្តិច ដើម្បីបំពេញជាតិរ៉ែ និងជួយឱ្យពោះវៀនដំណើរការបានល្អ។ បន្ថែមពីនេះ ការអនុវត្ត ច្បាប់ ២០ នាទីមុនពេលញ៉ាំអាហារ នឹងជួយឱ្យអ្នកឆាប់ឆ្អែត និងមិនប៉ះពាល់ដល់អាស៊ីតក្រពះក្នុងអំឡុងពេលរំលាយអាហារ។
ចំណុចសំខាន់បំផុតគឺ កុំផឹកទឹកម្តងទាំងអស់ក្នុងបរិមាណច្រើន តែត្រូវផឹកម្តងបន្តិចៗពេញមួយថ្ងៃ ដើម្បីឱ្យកោសិកាស្បែកស្រូបយកជាតិទឹកបានជាប់លាប់។ ប្រសិនបើអ្នកពិបាកចងចាំ ការប្រើ ដបទឹកដែលមានសញ្ញាសម្គាល់ពេលវេលា ឬកំណត់ច្បាប់ ផឹកទឹកមួយកែវរាល់ពេលក្រោកឈរ នឹងជួយឱ្យការផឹកទឹកក្លាយជាទម្លាប់ដោយមិនដឹងខ្លួន។ ការផឹកទឹកត្រជាក់ខ្លះក៏ជួយដុតបំផ្លាញកាឡូរីបានបន្តិចបន្តួចដែរ ខណៈការបន្ថែមអំបិលសមុទ្រក្រោយហាត់ប្រាណ ជួយបំពេញអេឡិចត្រូលីតដែលបាត់បង់បានយ៉ាងរហ័ស។
ដើម្បីកុំឱ្យធុញទ្រាន់នឹងរសជាតិទឹកធម្មតា អ្នកអាចបន្ថែម ចំណិតតាសក់ ខ្ញី ឬស្លឹកជីរអង្កាម ចូលក្នុងទឹក ដែលមិនត្រឹមតែបង្កើនរសជាតិឆ្ងាញ់ ប៉ុន្តែថែមទាំងផ្តល់វីតាមីន និងកាត់បន្ថយចំណង់ភេសជ្ជៈផ្អែម។
ការផ្លាស់ប្តូរទម្លាប់តូចតាចទាំង ៨ នេះ គឺជាវិធីសាស្ត្រសន្សំសំចៃបំផុត ដែលនឹងនាំមកនូវស្បែកភ្លឺថ្លា ជាតិទឹកពេញលេញ និងសុខភាពមាំមួនពេញមួយថ្ងៃ៕