ធ្លាប់ដឹងឬអត់ថា “ស្លឹកចេក” អាចដោះស្រាយបញ្ហាសុខភាព និងសម្រស់ទាំងនេះបាន?

ភាគច្រើននៃពួកយើងសុទ្ធតែធ្លាប់បានដឹងអំពីផលល្អនៃផ្លែចេក ក៏ដូចជាត្រយូងចេកចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែប្រហែលជាស្មានមិនដល់ទេថា ក្រៅពីប្រើសម្រាប់ខ្ចប់ និងដាក់អាហារផ្សេងៗ ស្លឹកចេក អាចផ្ដល់អត្ថប្រយោជន៍ប្រសើរមិនចាញ់គ្នាចំពោះទាំងក្នុងការចម្អិនអាហារ និងបញ្ហាសុខភាព និងសម្រស់! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍ដ៏អស្ចារ្យនៃស្លឹកចេក ៖

១. កម្ចាត់អង្គែស្បែកក្បាល

កំពុងជួបប្រទះបញ្ហាអង្គែមែនទេ? ស្លឹកចេញជាដំណោះស្រាយបែបធម្មជាតិដ៏ប្រសើរបំផុតមួយ។ អ្វីដែលអ្នកត្រូវធ្វើ គឺគ្រាន់តែហាន់ រួចបុកកំទេចស្លឹកចេកមួយចំនួនរហូតដល់ចេញទឹក។ បន្ទាប់មកប្រើប្រាស់ទឹកចេញពីស្លឹកចេកនោះលាបលើសក់ និងស្បែកក្បាលរបស់អ្នក ហើយទុកចោលសម្រាប់រយៈពេលប៉ុន្មាននាទី សឹមលាងសម្អាតចេញជាមួយទឹកធម្មតាជាការស្រេច។

២. រក្សាសុខភាពស្បែកល្អប្រសើរ

ស្លឹកចេកមានផ្ទុកសារធាតុប្រឆាំងអុកស៊ីតកម្ម និង allantoin ជួយទប់ស្កាត់រោគសញ្ញានៃភាពចាស់មុនវ័យលើស្បែក រួមបញ្ចូលទាំង ស្នាមជ្រួញ, ស្នាមជាំ, កាត់បន្ថយមុន ហើយធ្វើឱ្យស្បែកមានសំណើមទន់រលោង។ អ្វីដែលអ្នកត្រូវធ្វើគ្រាន់តែកិនកំទេចស្លឹកចេក រួចលាបវាលើផ្ទៃមុខ ឬរាងកាយ។

៣. ព្យាបាលរបួសដាច់រលាត់

ស្លឹកចេកក៏អាចប្រើក្នុងការព្យាបាលរបួសបានផងដែរ។ អ្វីដែលអ្នកត្រូវធ្វើ គឺលាងសម្អាតស្លឹកចេកឱ្យស្អាត រួចសឹមកិន ឬបុកកំទេច ហើយយកមកដាក់បិតលើរបួសជាការស្រេច។ វិធីនេះប្រើចំពោះរបួសស្រាល ហើយក៏អាចប្រើព្យាបាលបានចំពោះរបួសដែលចំហរមុខផងដែរ។

៤. ព្យាបាលគ្រុនក្ដៅ

ស្លឹកចេកក៏ត្រូវបានប្រើព្យាបាលគ្រុនក្ដៅផងដែរ។ អ្នកមិនចាំបាច់ទទួលទានទឹកស្លឹកចេកឡើយ ប៉ុន្តែគ្រាន់តែយកស្លឹកចេកដែលលាងស្អាត ហើយលាបប្រេងដូងមកបិតលើថ្ងាសជាការស្រេច។ វិធីសាស្ត្រនេះនឹងជួយកាត់បន្ថយកម្ដៅ៕