គួរអាន! កុំធ្វើរឿងទាំងនេះនៅពេលពោះទទេរ ឬមិនទាន់ទទួលទានអ្វីឱ្យសោះ ប្រយ័ត្នជួបបញ្ហា

មានរឿងច្រើនណាស់ដែលអ្នកអាចធ្វើបាននៅពេលពោះទទេរមិនទាន់ទទួលទានអ្វីសោះ។ អ្នកប្រហែលជាធ្លាប់បានលឺអំពីការទទួលទានទឹកធម្មតា ឬទឹកក្រូចឆ្មារក្ដៅឧណ្ហៗនៅពេលព្រឹកបន្ទាប់ពីភ្ញាក់ដើម្បីរក្សាបាននូវសុខភាពល្អប្រសើរ និងជួយឱ្យស្រកទម្ងន់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណា ក៏នៅមានសកម្មភាពមួយចំនួនដែលមិនត្រូវបានណែនាំឱ្យធ្វើនៅពេលអ្នកមិនទាន់ទទួលទានអ្វីសោះផងដែរ ដើម្បីជៀសវាងបញ្ហាសុខភាព។ ថាតើមានអ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអ្វីដែលអ្នកមិនគួរធ្វើនៅពេលពោះទទេរ ៖

– អាហារ និងភេសជ្ជៈ

១. តែ ឬកាហ្វេ

ការទទួលទានភេសជ្ជៈទាំងពីរនេះនៅពេលព្រឹកដោយមិនទាន់ទទួលទានអ្វីសោះអាចបង្កផលប៉ះពាល់អាក្រក់ច្រើនជាងល្អចំពោះសុខភាព។ កាហ្វេបង្កើនអាស៊ីតក្រពះដែលបណ្ដាលឱ្យពិបាករំលាយអាហារ និងក្រហាយទ្រូង។ ខណៈដែលតែទប់ស្កាត់ការផលិតអាស៊ីតក្រពះមានន័យថាវាកាត់បន្ថយអាស៊ីតក្នុងក្រពះ និងទឹកប្រម៉ាត់។ វាក៏កាត់បន្ថយចំណង់អាហារផងដែរ។

២. គ្រឿងស្រវឹង

កុំទទួលទានគ្រឿងស្រវឹងនៅពេលពោះទទេរឱ្យសោះ ក៏ព្រោះខណៈពេលនេះជាតិអាល់កុលនឹងត្រូវជ្រាបចូលផ្ទាល់ទៅក្នុងចរន្តឈាមតែម្ដង។ ជាលទ្ធផលសសៃឈាមនឹងរីកធំបង្កជាបញ្ហាជីពចរចុះខ្សោយ ព្រមទាំងប៉ះពាល់ដល់សម្ពាធឈាមផងដែរ។ លើសពីនេះទៅទៀត នៅពេលកំហាប់នៃជាតិអាល់កុលកើនឡើងខ្ពស់ក្នុងឈាមនោះវានឹងបង្កបញ្ហាសុខភាពគួរឱ្យព្រួយបារម្ភជាច្រើន។

៣. ភេសជ្ជៈកំប៉ុង

ភេសជ្ជៈនេះមានផ្ទុកបរិមាណនៃជាតិអាស៊ីតកាបូណាតខ្ពស់ដែលមានន័យថា ប្រសិនបើអ្នកទទួលទានភេសជ្ជៈប្រភេទនេះនៅពេលពោះទទេរនោះជាតិកាបូណាតនឹងត្រូវលាយឡំជាមួយអាស៊ីតក្រពះដែលបង្កជាអាការៈចង្អោរចង់ក្អួត, ពិបាកក្នុងខ្លួន និងបញ្ហាសុខភាពច្រើនផ្សេងទៀត។

៤. ផ្លែប៉េងប៉ោះ

ការទទួលទានប៉េងប៉ោះនៅពេលពោះទទេរអាចបង្កបញ្ហាពិបាករំលាយអាហារ និងកើតក្រួសក្នុងថង់ទឹកប្រម៉ាត់។ នោះក៏ព្រោះតែជាតិអាស៊ីតក្នុងប៉េងប៉ោះមានប្រតិកម្មជាមួយអាស៊ីតក្រពះផលិតជាជាតិអន្ធិលមិនរលាយ។

៥. ទទួលទានអាហារហឹរ

ជៀសវាងការទទួលទានអាហារហឹរ ប្រសិនបើអ្នកមិនទាន់ទទួលទានអ្វីសោះ ឬពេលពោះទទេរ ក៏ព្រោះវាអាចបង្កប្រតិកម្មជាមួយអាស៊ីតធម្មជាតិក្នុងក្រពះ។ ជាលទ្ធផលបណ្ដាលឱ្យឈឺរមួលក្នុងពោះ ឬអាចបង្កការរលាកក្នុងស្រទាប់នៃពោះ។

– សកម្មភាព

១. ការធ្វើលំហាត់ប្រាណ

ប្រសិនបើអ្នកគិតថា អ្នកនឹងអាចស្រកទម្ងន់បានកាន់តែច្រើនថែមទៀតនៅពេលធ្វើលំហាត់ប្រាណដោយមិនទទួលទានអ្វីសោះនោះ គឺអ្នកខុសហើយ។ នៅពេលអ្នកធ្វើលំហាត់ប្រាណ រាងកាយប្រើប្រាស់ glycogen ដែលបានមកពីអាហារដែលអ្នកបរិភោគ។ ប្រសិនបើអ្នកគ្មាន glycogen គ្រប់គ្រាន់ទេ នោះរាងកាយនឹងរក្សាទុកជាតិខ្លាញ់ជំនួសការដុតបំផ្លាញ។

២. ការធ្វើដំណើរ

ការធ្វើដំណើរឆ្ងាយដោយមិនទទួលទានអ្វីសោះនៅពេលព្រឹកអាចបង្កបញ្ហាពុលឡាន៕