យោងតាមការចុះផ្សាយរបស់សារព័ត៌មានបរទេសបានឱ្យដឹងថា ក្រវាញមិនត្រឹមតែជាគ្រឿងទេសសម្រាប់បង្កើនក្លិនឈ្ងុយដល់មុខម្ហូបប៉ុណ្ណោះទេ ប៉ុន្តែវាត្រូវបានរកឃើញថាមានផ្ទុកនូវសមាសធាតុប្រឆាំងនឹងជំងឺមហារីកយ៉ាងមានប្រសិទ្ធភាព។ តាមរយៈការសិក្សាស្រាវជ្រាវលើសត្វកណ្តុរបានបង្ហាញថា ម្សៅក្រវាញមានសមត្ថភាពជួយជម្រុញ និងពង្រឹងអង់ស៊ីមសំខាន់ៗមួយចំនួននៅក្នុងរាងកាយ ដែលមានតួនាទីយ៉ាងសកម្មក្នុងការប្រយុទ្ធប្រឆាំងនឹងការកកើតកោសិកាមហារីក។ អ្វីដែលកាន់តែអស្ចារ្យនោះគឺ វាក៏ជួយជម្រុញសមត្ថភាពកោសិកាការពាររាងកាយ (ប្រព័ន្ធភាពស៊ាំ) ឱ្យកាន់តែរឹងមាំ ដើម្បីទប់ស្កាត់ និងកម្ចាត់ដុំសាច់មហារីកមិនឱ្យរីករាលដាលបានយ៉ាងពូកែស័ក្តិសិទ្ធិ។
ចំពោះរបៀបប្រើប្រាស់ដើម្បីទាញយកអត្ថប្រយោជន៍សម្រាប់សុខភាព អ្នកអាចអនុវត្តបានច្រើនវិធីយ៉ាងសាមញ្ញ។ វិធីទីមួយគឺការប្រើប្រាស់គ្រាប់ក្រវាញ ឬម្សៅក្រវាញដាក់ក្នុងម្ហូបអាហារប្រចាំថ្ងៃ ដូចជាការស្លការី ឬស៊ុបផ្សេងៗ។ វិធីទីពីរដែលពេញនិយមបំផុតសម្រាប់សុខភាព គឺការឆុងជា «តែក្រវាញ» ដោយយកគ្រាប់ក្រវាញដែលបុកឱ្យបែកបន្តិចដាក់ត្រាំក្នុងទឹកក្ដៅ រួចទទួលទានជារៀងរាល់ព្រឹក ដែលវិធីនេះមិនត្រឹមតែជួយការពារមហារីកប៉ុណ្ណោះទេ ប៉ុន្តែថែមទាំងជួយសម្រួលដល់ប្រព័ន្ធរំលាយអាហារ និងកាត់បន្ថយការរលាកក្នុងរាងកាយទៀតផង៕