ការទទួលទានអាហារឱ្យបានត្រឹមត្រូវនៅពេលល្ងាច មិនត្រឹមតែជួយឱ្យឆ្អែតពោះនោះទេ តែវាក៏ដើរតួនាទីយ៉ាងសំខាន់ក្នុងការជួយឱ្យខួរក្បាល និងរាងកាយសម្រាកបានជ្រៅ ។
នេះ គឺជាបញ្ជីអាហារ និងភេសជ្ជៈ ដែលជួយឱ្យអ្នកគេងលក់ស្រួល៖
១. គ្រាប់ធញ្ញជាតិ និងផ្លែឈើ
–ផ្លែចេក (Bananas): សម្បូរទៅដោយប៉ូតាស្យូម និងម៉ាញ៉េស្យូម ដែលជួយឱ្យសាច់ដុំសម្រាក និងមានសារធាតុ Tryptophan ដែលជួយបង្កើនអរម៉ូនរីករាយ និងធ្វើឱ្យងងុយគេង។
–ផ្លែគីវី (Kiwi): តាមការសិក្សា ការញ៉ាំគីវី ២ ផ្លែមុនពេលចូលគេង ១ ម៉ោង ជួយឱ្យគេងលក់លឿន និងស្កប់ស្កល់ជាងមុន ដោយសារវាមានសារធាតុ Serotonin ខ្ពស់។
–គ្រាប់អាល់ម៉ុន (Almonds): ជាប្រភពនៃម៉ាញ៉េស្យូម ដែលជួយកាត់បន្ថយអរម៉ូនស្ត្រេស (Cortisol) និងធ្វើឱ្យប្រព័ន្ធប្រសាទស្ងប់។
–គ្រាប់ធញ្ញជាតិ Walnuts: សម្បូរទៅដោយជាតិ Melatonin (អរម៉ូនបញ្ជាការគេង) ធម្មជាតិ។
២. ភេសជ្ជៈក្តៅៗ (គ្មានជាតិកាហ្វេអ៊ីន)
–ទឹកដោះគោក្តៅ (Warm Milk): មានជាតិកាល់ស្យូម និង Tryptophan ដែលជួយឱ្យខួរក្បាលផលិតជាតិមេឡាតូនីន ធ្វើឱ្យយើងមានអារម្មណ៍ងងុយគេងដូចកាលពីក្មេង។
–តែផ្កាចំកំប៉ី (Chamomile Tea): ជាតែរុក្ខជាតិដែលគ្មានជាតិកាហ្វេអ៊ីន វាជួយកាត់បន្ថយការភ័យព្រួយ និងធ្វើឱ្យចិត្តស្ងប់ល្អខ្លាំងមុនពេលចូលគេង។
៣. អាហារដែលផ្តល់ថាមពលយឺតៗ
–ស្រូវសាលី (Oatmeal): មានជាតិកាបូអ៊ីដ្រាតល្អ ដែលជួយជំរុញការផលិតអាំងស៊ុយលីនតិចតួច ដែលវាជួយឱ្យអាស៊ីតអាមីណូ Tryptophan ចូលទៅក្នុងខួរក្បាលបានស្រួល។
–សាច់ត្រី (ជាពិសេសត្រីសាម៉ុង ឬត្រីធូណា): សម្បូរវីតាមីន B6 និងអាស៊ីតខ្លាញ់ Omega-3 ដែលជួយគ្រប់គ្រងវដ្តនៃការគេងរបស់រាងកាយ។