យោងតាមការចុះផ្សាយរបស់សារព័ត៌មានបរទេសបានឱ្យដឹងថា ទឹកផ្លែតាសក់មិនត្រឹមតែជាភេសជ្ជៈសម្រាប់បំបាត់ការស្រេកទឹកប៉ុណ្ណោះទេ ប៉ុន្តែវាគឺជាភ្នាក់ងារដ៏មានឥទ្ធិពលក្នុងការជួយលាងសម្អាតជាតិខ្លាញ់អាក្រក់ និងកាកសំណល់ពុលផ្សេងៗចេញពីរាងកាយយ៉ាងមានប្រសិទ្ធភាព។
តាមរយៈការសិក្សាបានបង្ហាញថា សារធាតុចិញ្ចឹម និងអង់ស៊ីមធម្មជាតិដែលមាននៅក្នុងតាសក់ មានសមត្ថភាពជួយរំលាយជាតិខ្លាញ់ដែលកកស្ទះក្នុងសរសៃឈាម និងជួយសម្រួលដល់ប្រព័ន្ធមេតាបូលីសឱ្យដំណើរការបានកាន់តែរលូន ដែលជាផ្នែកមួយយ៉ាងសំខាន់ក្នុងការថែរក្សាសុខភាពបេះដូង និងជួយដល់ការសម្រកទម្ងន់។
ចំពោះរបៀបប្រើប្រាស់ដើម្បីទទួលបានលទ្ធផលល្អបំផុត អ្នកអាចយកតាសក់ស្រស់ដែលលាងសម្អាតបានស្អាតល្អទៅកិន ឬក្រឡុកយកទឹកសុទ្ធមកទទួលទានមួយកែវជារៀងរាល់ព្រឹកនៅពេលពោះទទេ ដើម្បីឱ្យរាងកាយអាចស្រូបយកសារធាតុបន្សាបជាតិពុលបានពេញលេញ។ ក្រៅពីនេះ អ្នកក៏អាចធ្វើជាទឹក Detoxing ដោយហាន់តាសក់ជាចំណិតស្ដើងៗត្រាំក្នុងទឹកស្អាតទុកទទួលទានពេញមួយថ្ងៃ ដែលវិធីនេះមិនត្រឹមតែជួយបណ្ដេញខ្លាញ់អាក្រក់ប៉ុណ្ណោះទេ ប៉ុន្តែថែមទាំងជួយឱ្យស្បែកមានសំណើម និងស្រស់ថ្លាចេញពីខាងក្នុងទៀតផង៕