យោងតាមការចុះផ្សាយរបស់សារព័ត៌មានបរទេសបានឱ្យដឹងថា ផ្លែពពាយជ្រុងគឺជាបន្លែដែលសម្បូរទៅដោយសារធាតុចិញ្ចឹមចាំបាច់ ជាពិសេសគឺជាតិ Folate។ សារធាតុនេះគឺជាសមាសធាតុដ៏សំខាន់ដែលមិនអាចខ្វះបាន ក្នុងការជួយដល់ដំណើរការសំយោគ DNA និងការបែងចែកកោសិកាឱ្យមានសុខភាពល្អ។
សម្រាប់ស្ដ្រីដែលកំពុងពពោះ ការទទួលទានរបបអាហារដែលមានជាតិ Folate គ្រប់គ្រាន់ពីផ្លែពពាយ គឺជាគន្លឹះដ៏សំខាន់ក្នុងការការពារទារកពីភាពមិនប្រក្រតីនៃបំពង់សរសៃប្រសាទ នៅអំឡុងពេលចាប់ផ្ដើមកកើត។ មិនត្រឹមតែជួយដល់សុខភាពរាងកាយទារកប៉ុណ្ណោះទេ សារធាតុចិញ្ចឹមក្នុងផ្លែពពាយក៏ជួយជំរុញដល់ការលូតលាស់ខួរក្បាលរបស់កុមារ តាំងពីនៅក្នុងផ្ទៃមាតា ដែលធ្វើឱ្យពួកគេមានភាពឆ្លាតវៃ និងរឹងមាំនៅពេលកើតមក៕