ការញ៉ាំស៊ុត គឺផ្ដល់ផលល្អដល់សុខភាពស្ទើរតែគ្រប់ពេល ប៉ុន្តែតាមការសិក្សា និងដំបូន្មានរបស់អ្នកជំនាញអាហារូបត្ថម្ភ ពេលព្រឹក គឺជាពេលវេលាដែលល្អបំផុត ។
ខាងក្រោមនេះ ជាហេតុផល និងការពន្យល់តាមពេលវេលានីមួយៗ ៖
១. ញ៉ាំនៅពេលព្រឹក (ល្អបំផុត)
ការញ៉ាំស៊ុត ជាអាហារពេលព្រឹកផ្ដល់អត្ថប្រយោជន៍លើសលប់ដូចជា៖
–ផ្ដល់ថាមពលបានយូរ៖ ប្រូតេអ៊ីន និងជាតិខ្លាញ់ល្អក្នុងស៊ុត ជួយឱ្យអ្នកមានអារម្មណ៍ឆ្អែតបានយូរ មិនងាយឃ្លានផ្ដេសផ្ដាសនៅចន្លោះពេលអាហារ។
–ជំនួយដល់ការសម្រកទម្ងន់ ៖ នៅពេលអ្នកឆ្អែតបានយូរ វាកាត់បន្ថយការញ៉ាំអាហារដែលមានកាឡូរីខ្ពស់នៅពេលថ្ងៃត្រង់។
–បង្កើនការចងចាំ ៖ សារធាតុ Choline ក្នុងស៊ុតជួយឱ្យខួរក្បាលដំណើរការបានល្អ និងបង្កើនការផ្ដោតអារម្មណ៍សម្រាប់ការងារ ឬការសិក្សាពេញមួយថ្ងៃ។
២. ញ៉ាំក្រោយពេលហាត់ប្រាណ
ស៊ុតគឺជា អាហារមាស សម្រាប់អ្នកហាត់ប្រាណ ឬប្រើកម្លាំងបាយ៖
-វាជួយ ជួសជុលសាច់ដុំ ដែលរងការខូចខាតពេលហាត់ប្រាណ។
-រាងកាយស្រូបយកប្រូតេអ៊ីនពីស៊ុតបានយ៉ាងលឿន និងមានប្រសិទ្ធភាពខ្ពស់ ។
៣. ញ៉ាំនៅពេលយប់ (សម្រាប់អ្នកពិបាកគេង)
ការញ៉ាំស៊ុតស្ងោរ ១ គ្រាប់មុនពេលចូលគេងអាចជួយបានខ្លះ ៖
-ស៊ុតមានអាស៊ីតអាមីណូ Tryptophan ដែលជួយឱ្យរាងកាយផលិតសារធាតុ Melatonin (អ័រម៉ូនជំនួយការគេង) ធ្វើឱ្យអ្នកគេងលក់ស្រួលជាងមុន ។
ទោះជាយ៉ាងណា មិនគួរញ៉ាំច្រើនពេកទេ ព្រោះវាអាចធ្វើឱ្យឆ្អល់ពោះ ឬធ្ងន់ពោះ ។