មែនហើយ បើសិនជាអ្នកមានជំងឺទឹកនោមផ្អែម អ្នកអាចញ៉ាំផ្លែត្រសក់បាន។ តាមពិតទៅ ដោយសារតែត្រសក់មានជាតិកាបូអ៊ីដ្រាតទាប ដូច្នេះអ្នកសឹងតែអាចញ៉ាំត្រសក់ច្រើនប៉ុណ្ណាក៏បាន និងគ្រប់ពេលដែលអ្នកចង់។ សមាគមន៍ជំងឺទឹកនោមផ្អែមអាមេរិកបានពិចារណាថា ត្រសក់ដែលជាបន្លែគ្មានជាតិអាមីដុង គឺជាអាហារមួយប្រភេទដែលអាចបំពេញតម្រូវការអាហាររបស់អ្នកជំងឺទឹកនោមផ្អែមបាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការសិក្សាមួយបានឲ្យដឹងថា របបអាហារដែលមានកាឡូរីទាប ជាពិសេសជាប្រភេទបន្លែគ្មានជាតិអាមីដុង ត្រូវបានអះអាងថា ជួយសម្រួលដល់ជំងឺទឹកនោមផ្អែមប្រភេទទី២ យ៉ាងមានប្រសិទ្ធភាព។
តាមការសិក្សាទៅលើសត្វ ដែលភ្ជាប់ទំនាក់ទំនងរវាងសារធាតុចេញពីត្រសក់ ជាមួយនឹងការបញ្ចុះជាតិស្ករក្នុងឈាមត្រូវបានគេធ្វើរួចហើយ ប៉ុន្តែវានៅមានដែនកំណត់នៅឡើយ។ ករណីបែបនេះត្រូវតែមានការសិក្សាស្រាវជ្រាវបន្ថែមទៀត។
- តាមការសិក្សាក្នុងឆ្នាំ ២០១១ បានសន្និដ្ឋានឃើញថា កណ្តុរដែលមានជំងឺទឹកនោមផ្អែមប្រភេទទី២ មានការថយចុះជាតិស្ករក្នុងឈាមក្រោយពីស៊ីរបបអាហារជាប្រភេទសារធាតុចម្រាញ់ចេញពីគ្រាប់ត្រសក់រយៈពេល ៩ថ្ងៃ។
- តាមការសិក្សាក្នុងឆ្នាំ ២០១២ បានបញ្ជាក់ថា សារធាតុ Phytonutrients របស់ត្រសក់មានទំនាក់ទំនងបន្ថយជាតិស្ករក្នុងឈាមលើកណ្តុរមានជំងឺទឹកនោមផ្អែម។
- តាមការស្រាវជ្រាវក្នុងឆ្នាំ ២០១៤ ដែលចុះផ្សាយក្នុងសារព័ត៌មាន Journal of Medicinal Plant Research បានបញ្ជាក់ច្បាស់ថា សាច់ត្រសក់អាចប្រើដើម្បីព្យាបាល និងគ្រប់គ្រងជំងឺទឹកនោមផ្អែមលើសត្វកណ្តុរបានយ៉ាងមានប្រសិទ្ធភាព។ (អាន:ថ្នាំងងុយគេង ពេលអ្នកគួរប្រើ)
ការសិក្សាទាំងនេះសុទ្ធតែប្រើប្រាស់សារធាតុចម្រាញ់ចេញពីត្រសក់ទាំងអស់។ វាមិនមានអំណះអំណាងណាមួយដែលបញ្ជាក់ថា ការញ៉ាំត្រសក់ទាំងមូលនឹងផ្តល់ជាប្រយោជន៍ដូចគ្នាឡើយ៕