យោងតាមការផ្សាយរបស់សារព័ត៌មានបរទេសផ្នែកសុខភាព បានឱ្យដឹងថាផ្លែត្រឡាចត្រូវបានគេទទួលស្គាល់ថាជាអាហារដ៏ប្រសើរសម្រាប់អ្នកដែលចង់រក្សាសុខភាព ជាពិសេសគឺសមត្ថភាពក្នុងការជួយគ្រប់គ្រងជំងឺទឹកនោមផ្អែម។ តាមរយៈការសិក្សាផ្នែកសុខភាពបានបង្ហាញថា ផ្លែត្រឡាចមានកម្រិតកាឡូរីទាប និងសម្បូរទៅដោយជាតិសរសៃ ដែលជួយពន្យឺតការបឺតស្រូបជាតិស្ករទៅក្នុងឈាម និងជួយឱ្យកម្រិតជាតិស្ករក្នុងរាងកាយមានស្ថិរភាព។
ក្រៅពីជួយដល់អ្នកជំងឺទឹកនោមផ្អែម ផ្លែត្រឡាចក៏មានប្រសិទ្ធភាពក្នុងការបញ្ចុះកម្តៅក្នុងរាងកាយ ជួយដល់ប្រព័ន្ធរំលាយអាហារ និងសម្រួលដល់ការបញ្ចេញចោលជាតិពុលតាមទឹកនោមផងដែរ។ ការទទួលទានផ្លែត្រឡាចជាប្រចាំក្នុងរបបអាហារ គឺជាជម្រើសដ៏ល្អមួយបែបធម្មជាតិ ដើម្បីការពារ និងគ្រប់គ្រងបញ្ហាសុខភាពរ៉ាំរ៉ៃ។
ការរំលឹក៖ ព័ត៌មាននេះសម្រាប់ជាចំណេះដឹងទូទៅប៉ុណ្ណោះ។ ប្រសិនបើលោកអ្នកមានអាការៈមិនប្រក្រតី សូមប្រញាប់ទៅជួបពិគ្រោះជាមួយគ្រូពេទ្យជំនាញ ដើម្បីពិនិត្យ និងព្យាបាលឱ្យបានត្រឹមត្រូវ៕