យោងតាមការចុះផ្សាយពីសារព័ត៌មានបរទេសផ្នែកសុខភាព បានបង្ហាញឱ្យដឹងថា ក្រូចសើច គឺជាដំណោះស្រាយដ៏មានប្រសិទ្ធភាពសម្រាប់អ្នកដែលកំពុងជួបប្រទះបញ្ហាប្រព័ន្ធរំលាយអាហារ ជាពិសេសគឺអាការៈទល់លាមក។ ការបញ្ចូលក្រូចសើចទៅក្នុងរបបអាហារ ឬភេសជ្ជៈ អាចជួយសម្រាលរោគសញ្ញាដែលបង្កឱ្យមានភាពតានតឹងក្នុងពោះ ព្រមទាំងជំរុញឱ្យប្រព័ន្ធពោះវៀនមានដំណើរការល្អឡើងវិញជាធម្មតា។
ការដោះស្រាយបញ្ហាប្រព័ន្ធរំលាយអាហារបានទាន់ពេលវេលាជាមួយក្រូចសើច មិនត្រឹមតែជួយឱ្យអ្នកមានអារម្មណ៍ស្រួលខ្លួនប៉ុណ្ណោះទេ ប៉ុន្តែវាក៏ជាការការពារទុកជាមុននូវជំងឺធ្ងន់ធ្ងរជាច្រើនដែលអាចកើតមាននាពេលអនាគត។ សារធាតុចិញ្ចឹមដែលមានក្នុងផ្លែឈើប្រភេទនេះ ដើរតួយ៉ាងសំខាន់ក្នុងការកាត់បន្ថយហានិភ័យនៃជំងឺមហារីកពោះវៀនធំ ជំងឺឫសដូងបាត និងដំបៅក្រពះ ដែលបណ្តាលមកពីការបន្ទោបង់មិនទៀងទាត់ និងការរលាកក្នុងប្រព័ន្ធរំលាយអាហាររ៉ាំរ៉ៃ។
ការរំលឹក៖ ព័ត៌មាននេះសម្រាប់ជាចំណេះដឹងទូទៅប៉ុណ្ណោះ។ ប្រសិនបើលោកអ្នកមានអាការៈមិនប្រក្រតី ឬឈឺចាប់ក្នុងក្រពះពោះវៀនខ្លាំង សូមប្រញាប់ទៅជួបពិគ្រោះជាមួយគ្រូពេទ្យជំនាញ ដើម្បីពិនិត្យ និងព្យាបាលឱ្យបានត្រឹមត្រូវ៕